Tadevuš Kandrusievič prapanuje pryzyvać sieminarystaŭ u vojska raz na piać hadoŭ, jak u Litvie
Kiraŭnik katalickaj carkvy Biełarusi Tadevuš Kandrusievič ličyć, što treba vyrašać pytańnie z pryzyvam sieminarystaŭ i śviataroŭ u vojska. Hetym letam dziasiatki budučych katalickich i pravasłaŭnych śviataroŭ pa ŭsioj Biełarusi atrymali pozvy ŭ vajenkamat. Paśla zvarotu katalickich biskupaŭ da Łukašenki, maładym ludziam dali adterminoŭku — da lutaha 2019 hoda.
Mitrapalit Minska-Mahiloŭski, arcybiskup Tadevuš Kandrusievič adznačaje, što, niahledziačy na adterminoŭku da lutaha 2019 hoda, prablema z zaklikam sieminarystaŭ i śviataroŭ na słužbu nie vyrašana.
Pa zakonie prezident moža vyzvalić ad słužby ŭ vojsku śviataroŭ i sieminarystaŭ va ŭzroście da 27 hadoŭ. Kožny hod kataliki padajuć śpis tych, kamu nieabchodna vyzvaleńnie ad słužby, u aparat upaŭnavažanaha pa spravach relihij.
— Dalej jon užo pasyłaje dakumient pa inšych instancyjach, nakolki mnie viadoma, — u ministerstva abarony. I tut vialikaja biada, što my nie viedajem, na jakoj stadyi hety dakumient, kali jaho pavinny padpisać, — adznačaje Kandrusievič. — Heta vielmi niervozna ŭsio. Viedajecie, užo niekatoryja sieminarysty zabrali rečy ź sieminaryi, jechali dadomu, kab iści ŭ vojska, a tut prychodzić paviedamleńnie, što nie treba iści. Telefanujem im: nazad jedźcie! … Mnie zdajecca, patrebna bolšaja prazrystaść, kab my viedali, dzie hetyja śpisy znachodziacca.
Arcybiskup tłumačyć, što sieminarystam składana sumiaščać vučobu ź nieabchodnaściu prachodzić vajskovuju miedkamisiju pa miescy prapiski. Tadevuš Kandrusievič dadaje, što treba ŭ cełym vyrašać pytańnie pryzyvu. Naprykład, u mnohich krainach śvietu śviatary i sieminarysty prosta nie pavinny iści ŭ vojska, a niedzie jość vopyt vajennych zboraŭ raz u niekalki hadoŭ.
— Vielmi cikavy vopyt Litvy, ja b navat hety vopyt pieraniaŭ. Tam raz u piać hadoŭ źbirajuć usich sieminarystaŭ i jany letam jeduć u vojska. Ź imi jedzie kapiełan, jaki duchoŭna ich apiakaje. Heta taksama vyrašyła b prablemu. U vojsku taksama niadrenna — moža, dyscypliny trochu bolš jość… Litoŭskaja madel dobraja, ja davioŭ jaje da ŭpaŭnavažanaha pa spravach relihij, — skazaŭ Tadevuš Kandrusievič.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary