Pryčyny rašeńnia ab vyvadzie amierykanskich vojskaŭ ź Siryi nieviadomyja, roŭna jak i dalejšyja płany ZŠA ŭ rehijonie, «hety hambit jašče treba budzie razhadać», zajaviŭ pradstaŭnik MZS RF Ihar Carykaŭ, piša «RIA Naviny».
«My nieadnarazova źviartali ŭvahu na toje, što nielehitymnaja ŭzbrojenaja prysutnaść ZŠA ŭ Siryi źjaŭlajecca pieraškodaj na šlachu ŭrehulavańnia ŭ hetaj krainie. Razam z tym, nam pakul ničoha nie viadoma pra pryčyny hetaha rašeńnia i jaho paramietry, pierśpiektyŭnyja płany amierykancaŭ. Hety hambit jašče treba budzie razhadać», — skazaŭ Carykaŭ na sumiesnym pašyranym pasiadžeńni mižviedamasnych kaardynacyjnych štaboŭ Rasii i Siryi pa viartańni biežancaŭ na terytoryju SAR.
Prezident ZŠA Donald Tramp 19 śniežnia zajaviŭ pra pieramohu nad terarystyčnaj arhanizacyjaj «Isłamskaja dziaržava» ŭ Siryi, adznačyŭšy, što heta było adzinaj pryčynaj znachodžańnia amierykanskich vajskoŭcaŭ u krainie. Paźniej pres-sakratar Biełaha doma Sara Sanders paviedamiła, što ZŠA pačali vyvad vojskaŭ ź Siryi, ale pieramoha nad ID nie aznačaje spynieńnia isnavańnia kaalicyi. Ahienctva Rejter sa spasyłkaj na krynicy pieradała, što ŭzbrojenyja siły ZŠA buduć vyviedzieny za 60-100 dzion.
Kamientary