Dola ŭkrainskaj movy ŭ efirach ahulnanacyjanalnych ukrainskich telekanałaŭ za 2018 hod u siarednim skłała 92%. Pra heta sa spasyłkaj na paviedamleńnie člena Nacyjanalnaj rady pa pytańniach telebačańnia i radyjoviaščańnia Ukrainy Siarhieja Kaścinskaha ŭ Facebook paviedamlaje «Ukrinfarm». Anałahičny pakazčyk dla ahulnanacyjanalnych radyjostancyj Ukrainy, pa dadzienych Kaścinskaha, składaje 86%.
Dać šturšok raźvićciu ŭkrainskaj muzyki na miascovym radyjo ŭładami ŭdałosia dziakujučy ŭviadzieńniu moŭnych kvotaŭ, ličyć člen Nacrady. «Pa vynikach dvuch hadoŭ dziejańnia kvot, bolš za pałovu piesień u efiry ŭkrainskich radyjostancyj hučać mienavita na ŭkrainskaj movie», - dadaŭ jon, zaŭvažyŭšy adnak, što dla zachavańnia nazvanych normaŭ na praciahu hoda rehulataru «pryjšłosia aštrafavać 21 radyjostancyju na sumu bolš za 1,7 młn hryŭniaŭ ($ 61,4 tys.) ». «U bolšaści vypadkaŭ my štrafavali mienavita za nievykanańnie kvoty piesień na ŭkrainskaj», - rastłumačyŭ Kaścinski.
Kamientary