Natalla Ejsmant: 30% na TB maje być nie biełaruskaj movy, a kantentu biełaruskaj vytvorčaści
Kiraŭnica administracyi prezidenta Biełarusi Natalla Kačanava raskazała na sustrečy z kalektyvam kampanii «Biełaruśkalij» ab tym, što ŭ krainie pastaŭlenaja zadača «ab najaŭnaści nie mienš jak 30% kantentu na biełaruskaj movie», paviedamiła hazieta «Kalijščyk Salihorska».
Ale pres-sakratar Alaksandra Łukašenki Natalla Ejsmant abvierhła hetuju zajavu ŭ kamientary Svabodzie.
Zhodna zakonu «Ab ŚMI», raskazała jana, havorka idzie pra 30% nacyjanalnaha kantentu — filmaŭ i pieradačaŭ, stvoranych u Biełarusi. A ŭ kantekście hetaha «možna raźličvać i na toje, što biełaruskaja mova budzie vykarystoŭvacca čaściej».
Na ŭdakładnieńnie ab najaŭnaści niejkaj inšaj kvoty na biełaruskuju movu na TV jana adkazała: «Kaniešnie nie, niama». Na dumku Ejsmant, žurnalisty, jakija pieradavali słovy Kačanavaj, niešta nabłytali.
U punkcie 1.9 artykuła 15 zakonu «Ab ŚMI» vyznačajecca, što srodku masavaj infarmacyi mohuć admović u dziaržaŭnaj rehistracyi, kali «abjom telepieradačaŭ, aŭdyjovizualnych tvoraŭ, inšych paviedamleńniaŭ i (abo) materyjałaŭ biełaruskaj (nacyjanalnaj) vytvorčaści ŭ štomiesiačnym abjomie viaščańnia televizijnych srodkaŭ masavaj infarmacyi składaje mienš za 30%» — redakcyja abaviazanaja zabiaśpiečyć prynamsi takuju dolu nacyjanalnaha kantentu, kali inšaje nie vyznačana mižnarodnymi damovami.
Ideołah «Biełaruśkalija» patłumačyła, čamu zapytałasia ŭ Kačanavaj pra biełaruskuju movu na telebačańni
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy1
Kamientary