Minski abłasny sud vynies prysud pa kryminalnaj spravie ab žorstkim zabojstvie piensijaniera, paviedamlaje BIEŁTA sa spasyłkaj na pres-słužbu Minskaha abłasnoha suda.
Pierad sudom paŭstali dvoje abvinavačanych — 47-hadovy žychar Vałožynskaha rajona i 48-hadovy mužčyna, jaki nie maje pastajannaha miesca žycharstva. Dniom 5 červienia 2018 hoda jany praź niezačynienyja dźviery pranikli ŭ dom 78-hadovaha piensijaniera ŭ vioscy Dzianisy Staŭbcoŭskaha rajona. Tam jany napali z nažom na haspadara, vykrali ŭ jaho hrošy i schavalisia.
Jak vyznačyła śledstva, mužčyny časova pražyvali ŭ vahončyku ŭ vioscy Ciesnavaja Staŭbcoŭskaha rajona i paśvili žyviołu.
U dzień zabojstva jany z namieram vykraści hrošy adpravilisia da piensijaniera, jaki žyŭ adzin na chutary ŭ susiedniaj vioscy. Spačatku zajšli ŭ dom i paprasili bulby. Kali pierakanalisia, što haspadar adzin, stali pahražać jamu nažom i patrabavać hrošy. Paśla hetaha nanieśli jamu nažavyja ranieńni, pryviazali da kresła i abrezali telefonny provad. Abvinavačanyja vykrali 3 tysiačy rubloŭ i pradukty, a paśla ŭciakli ź miesca zdareńnia. Piensijanieru ŭdałosia vyzvalicca i ŭžo ad znajomaj patelefanavać u milicyju. Praź niekalki dzion jon pamior u balnicy ad atrymanych pranikalnych ranieńniaŭ hrudnoj kletki i brušnoj połaści.
Adnamu abvinavačanamu pryznačana pakarańnie ŭ vyhladzie 23 hadoŭ pazbaŭleńnia voli z adbyvańniem u kałonii asablivaha režymu, druhomu — 20 hadoŭ i 1 miesiac kałonii ŭzmocnienaha režymu. U abodvuch kanfiskujuć majomaść. U dačynieńni da abvinavačanych užytyja prymusovyja miery biaśpieki i lačeńnia ad chraničnaha ałkahalizmu.
Prysud u zakonnuju siłu nie ŭstupiŭ i moža być abskardžany i apratestavany va ŭstanoŭlenym zakanadaŭstvam paradku.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary