Premjer-ministr Vialikabrytanii Tereza Mej źviarnułasia pa padtrymku da lidara lejbarystaŭ Džeremi Korbina, paabiacaŭšy jamu «zmahacca za Brytaniju» ŭ Brusieli. U Bielhiju palityk płanuje adpravicca, kab adnavić pieramovy adnosna ŭhody i nastojvać na źmienach pahadnieńnia pra ŭmovy Brexit.
Jana adznačyła, što, niahledziačy na toje, što lidar lejbarystaŭ na minułym tydni admoviŭsia padtrymać jaje ŭ pałacie abščyn, jon hetak ža, jak i jana, ličyć, što sprečnaje pytańnie pra miažu pamiž Respublikaj Irłandyja (ŭdzielnicaj ES) i Paŭnočnaj Irłandyjaj (jakaja pavinna vyjści ź Jeŭrasajuza ŭ składzie Vialikabrytanii paśla Brexit) «nieabchodna vyrašać z Brusielem».
U Brusiel premjer-ministr Vialikabrytanii paabiacała viarnucca z «novymi idejami i novaj rašučaściu».
Mej, jak adznačaje Telegraph, nastojvaje na tym, što jana «nastrojena» pačać praceduru Brexit «svoječasova» — 29 sakavika, niahledziačy na publičnyja i pryvatnyja prośby ad parłamientaryjaŭ i ministraŭ zatrymać hety praces.
Brexit pryznačany na 29 sakavika. Paśla hetaha, zhodna z płanam Mej (jaho brytanski parłamient taksama adchiliŭ 15 studzienia), u Vialikabrytanii da 31 śniežnia 2020 hoda pavinien budzie dziejničać pierachodny pieryjad. Karaleŭstva pry hetym uvieś hety čas budzie zastavacca častkaj Mytnaha sajuza ES i adzinaha jeŭrapiejskaha rynku.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary