«Baćka hetaha Vadzima ŭpaŭ na kaleni pierada mnoj: lepš by majho syna zabili pry zatrymańni»
Baćka zabitaha staŭbcoŭskaha 11-kłaśnika Sašy Ramanava raskazaŭ, jak da jaho prychodziŭ baćka napadnika — 10-kłaśnika Vadzima M.
«Baćka hetaha Vadzima prychodziŭ da nas. Heta było ŭ dzień pierad pachavańniem, truna z Sašam stajała ŭ nas tut… I brat mnie kaža: voś, pryjšoŭ toj, ty vyjdzieš ci mnie jaho vyhnać? Ja kažu, nie vyhaniaj, ja vyjdu.
Ja vyjšaŭ na vulicu. Toj pačaŭ na kaleni padać, kazać, maŭlaŭ, vybačajcie, prabačcie, my sami nie možam zrazumieć… Ja skazaŭ: «Nie treba vybačacca, ale i vybačyć ja nikoli nie zmahu, ani vam, ani vašamu synu».
Kažu, kiepska vy syna vychoŭvali. Toj adkazvaje, što nie, narmalna vychoŭvaŭ. Ja kažu: nu, značyć, štości dzieści ŭpuścili. Nie havaryli, moža z synam… Ja ŭjaŭlaju siemji, dzie baćki ciažka pracujuć, dzie zaniatyja ludzi vyžyvańniem…
Jon kazaŭ tam jašče ŭsiakaje… Maŭlaŭ, lepš by syna zabili pry zatrymańni… Ja kažu: idzicie z Boham. Chaj vašaha syna sud sudzić.
Ja viedaju, što taho zabojcu nie mohuć rasstralać, bo jon niepaŭnaletni.
Ale ja i nie chacieŭ by jaho śmierci. Ja suprać takoha. Dy i Saša kateharyčna byŭ suprać śmiarotnaha pakarańnia, kazaŭ, što nie moža čałaviek u čałavieka zabirać žyćcio.
Baćki raskazali pra zatrymanaha ŭ Stoŭbcach syna i pakazali jahony pakoj FOTY
Čamu jon? Baćka chłopca, jakoha zabili ŭ Stoŭbcach, padrabiazna raskazaŭ pra syna i dzień jaho śmierci
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie10
Kamientary