Kali i pabudujuć praciah ciapierašnich linij mietro, to ŭ bok Kamiennaj Horki
Hałoŭny inžynier UP «Dyrekcyja pa budaŭnictvie Minskaha mietrapalitena» Alaksiej Murač raspavioŭ karespandentu ahienctva «Minsk-Naviny» pra pierśpiektyvy raźvićcia hetaha vidu transparta.
— Jak doŭha čakać padaŭžeńnia pieršych dźviuch linij?
— Schiemaj raźvićcia Minskaha mietrapalitena vyznačany stancyi, jakija dapoŭniać Maskoŭskuju i Aŭtazavodskuju linii. Heta «Smalenskaja», «Šabany» i «Čyrvony bor». Terminy ich uźviadzieńnia bolš addalenyja. Najlepšyja šancy, pa-mojmu, u apošniaj ź ich, dzie imkliva rastuć novyja mikrarajony. A stancyja «Kamiennaja Horka», jakaja znachodzicca pierad joj, siońnia ŭžo maje samy napružany pasažyrapatok u staličnym mietro.
Z absłuhoŭvańniem žyłoha rajona Šabany pakul całkam spraŭlajucca aŭtobusy «Minsktransa». Da taho ž u hetym napramku vielmi składanaja schiema prachodki padziemki. Mietrabudaŭnikam treba budzie ŭrezacca ŭ stancyju «Mahiloŭskaja» i prajści pad dziejnaj linijaj adnajmiennaha elektradepo. Peŭnyja składanaści prasočvajucca i z ŭźviadzieńniem stancyi «Smalenskaja». U hetym rajonie raźmieščany spartyŭna-strałkovy kompleks imia maršała Cimašenki, a najbližejšy žyły siektar budavaŭsia biez uliku schiemy raźvićcia mietrapalitena. Adznaču taksama, što raniej u schiemie značyłasia jašče adna stancyja — «Ščomyślica», jakaja pavinna była padvodzić da Nacyjanalnaha futbolnaha stadyjona i Nacyjanalnaha vystavačnaha centra. Ale hety prajekt, jak viadoma, pamior.
Ciapier čytajuć
U Łahojsku piekar admaŭlajecca pradavać svoj chleb pakupnikam, u jakich jość sabaki70
Kamientary