Złoŭžyvańnie srodkam dla zaharu daviało žychara Šatłandyi da balnicy i časovaj impatencyi. Pra heta paviedamlaje vydańnie Daily Mail sa spasyłkaj na publikacyju ŭ navukovym časopisie BMJ Case Reports.
41-hadovy mužčyna rehularna kuplaŭ u kramie dla amataraŭ bodzibiłdynhu miełanatan-2 — preparat, jaki spryjaje spalvańniu tłušču i vyklikaje pihmientacyju skury, jak pry zahary. Ni ŭpakoŭka, ni pradaviec nie papiaredžvali ab tym, što adnym ź niehatyŭnych pabočnych efiektaŭ miełanatanu-2 moža być pryapizm. U Vialikabrytanii jaho prodaž zabaronieny.
Niahledziačy na adsutnaść infarmacyi ab pravilnaj daziroŭcy, šatłandziec niekalki miesiacaŭ rabiŭ sabie injekcyi miełanatanu-2. Pavodle jaho słoŭ, jon byŭ zadavoleny vynikam, pakul adna ź injekcyj nie vyklikała ŭ jaho praciahłuju chvaravituju erekcyju. Mužčyna pasprabavaŭ zdušyć jaje pry dapamozie lodu, ale ničoha nie atrymałasia. Praz 22 hadziny jaho dastavili ŭ balnicu.
Kab adnavić zvyčajny krovazvarot, paciarpiełamu kožnyja piać chvilin rabili injekcyju fieniłefrynu ŭ hienitalii. Lekary nie vyklučali, što dla vyrašeńnia prablemy spatrebicca chirurhičnaje ŭmiašańnie, adnak praz paŭhadziny erekcyja źnikła. Paśla hetaha vypadku ŭ pacyjenta na praciahu čatyroch tydniaŭ nazirałasia erektylnaja dysfunkcyja.
Kamientary