Alaksandr Łukašenka ŭznaharodziŭ bolš za 20 čałaviek ordenami i miedalami za ŭzornaje vykanańnie voinskaha abaviazku, značnyja pośpiechi ŭ padtrymańni vysokaj bajavoj hatoŭnaści padraździaleńniaŭ i vajskovych čaściej, zasłuhi va ŭmacavańni abaranazdolnaści i padrychtoŭcy vajennych kadraŭ, vyratavańnie ludziej na vadzie i padčas pažaru.
Ordena «Za słužbu Radzimie» III stupieni ŭdastojeny namieśnik kamandujučaha Vajenna-pavietranymi siłami i vojskami supraćpavietranaj abarony Uzbrojenych Sił Andrej Hurcevič, namieśnik načalnika hałoŭnaha ŭpraŭleńnia — načalnik 1-ha ŭpraŭleńnia hałoŭnaha apieratyŭnaha ŭpraŭleńnia Hienieralnaha štaba Uzbrojenych Sił Siarhiej Łahadziuk, namieśnik ministra abarony pa ŭzbrajeńni — načalnik uzbrajeńnia Uzbrojenych Sił Siarhiej Simanienka.
Miedalom «Za vyratavanaje žyćcio» ŭznaharodžany hałoŭny śpiecyjalist siektara arhanizacyi funkcyjanavańnia dziaržaŭnaj sistemy papiaredžańnia i likvidacyi nadzvyčajnych situacyj i hramadzianskaj abarony Rečyckaha rajonnaha adździeła pa nadzvyčajnych situacyjach ustanovy «Homielskaje abłasnoje ŭpraŭleńnie MNS» Uładzimir Klimovič, načalnik varty pažarnaj avaryjna-vyratavalnaj čaści №1 Kaściukovickaha rajonnaha adździeła pa nadzvyčajnych situacyjach ustanovy «Mahiloŭskaje abłasnoje ŭpraŭleńnie MNS» Maksim Novikaŭ.
Siarod uznaharodžanych miedalom «Za adznaku ŭ voinskaj słužbie» — namieśnik načalnika 1-ha adździeła 4-ha ŭpraŭleńnia hałoŭnaha apieratyŭnaha ŭpraŭleńnia Hienieralnaha štaba Uzbrojenych Sił Alaksiej Ananienka, kamandzir 52-ha asobnaha śpiecyjalizavanaha pošukavaha bataljona Uzbrojenych Sił Alaksandr Trubieka, načalnik adździeła Dziaržaŭnaha pahraničnaha kamiteta Aleh Čabataroŭ.
Miedalom «Za adznaku ŭ papiaredžańni i likvidacyi nadzvyčajnych situacyj» uznaharodžany apieratyŭny dziažurny dziažurnaj źmieny centra apieratyŭnaha ŭpraŭleńnia Minskaha abłasnoha ŭpraŭleńnia MNS Dzianis Prakofjeŭ.
Akramia taho, hanarovaje zvańnie «Zasłužany śpiecyjalist Uzbrojenych Sił Respubliki Biełaruś» prysvojena načalniku štaba — pieršamu namieśniku kamandujučaha siłami śpiecyjalnych apieracyj Uzbrojenych Sił Viktaru Huleviču.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio46
Kamientary