Fejsbuk pačaŭ pakazvać, kolki hrošaj ukrainskija palityki vydatkoŭvajuć na rekłamu
Z kožnym hodam sacyjalnyja sietki ŭsio bolš i bolš upłyvajuć na žyćcio hramadstva i kožnaha čałavieka. Pačali ŭpłyvać jany i na palityčnaje žyćcio. Rynak palityčnaj rekłamy ŭ sacsietkach pieratvaryŭsia ŭ vializnuju industryju. Śpiecyjalisty miarkujuć, što z dapamohaj sacsietak dziaržavy i pryvatnyja inicyjatyvy mohuć umiešvacca ŭ palityčnyja pracesy i ŭpłyvać na chod vybaraŭ. Niekatoryja razhladajuć heta navat jak pramuju pahrozu demakratyi.
Abjektam krytyki z hetaj nahody staŭ fejsbuk. Sacyjalnuju sietku abvinavačvajuć, što ŭ rukach palityčnych analitykaŭ jana stała surjoznym instrumientam manipulacyi hramadskaj dumkaj. Dla taho, kab ačyścić svoj imidž, fejsbuk byŭ vymušany ŭziać situacyju pad kantrol i zrabić rynak palityčnaj rekłamy bolš prazrystym jak dla dziaržaŭnych orhanaŭ, tak i dla prostych karystalnikaŭ.
Niadaŭna fejsbuk pačaŭ pakazvać padrabiaznuju statystyku (u tym liku prybliznyja biudžety) palityčnaj rekłamy i antyrekłamy ŭ niekalkich krainach (ZŠA, Brazilija, Indyja, Vialikabrytanija i Ukraina). Śpiecyjalisty aścierahajucca, Rasija moža praz sacyjalnyja sietki pasprabavać umiašacca ŭ prezidenckija vybary va Ukrainie, tamu fejsbuk aktyŭna supracoŭničaje z ukrainskimi ŭładami. I źjaŭleńnie za niekalki tydniaŭ da vybaraŭ takoj padrabiaznaj statystyki palityčnaj rekłamy dapamoža dziaržavie nie stać abjektam źniešniaj albo ŭnutranaj ataki. A taksama pakaža ŭkrainskamu hramadstvu, jakija hrošy ŭkrainskija palityki hatovyja vydatkoŭvać na svaju rekłamu ŭ biednaj krainie, što vajuje.
Naprykład, rekłama voś hetaha dopisu ŭ padtrymku Julii Cimašenka kaštavała da 50 tysiač dalaraŭ.
Prykładna takija ž samyja biudžety i ŭ hetaha dopisu:
Varta adznačyć, što daloka nie ŭsie rekłamnyja dopisy palitykaŭ takija darahija. Bolšaść z dopisaŭ maje biudžety, abmiežavanyja niekalkimi tysiačami dalaraŭ (ad 1 tysiačy da 5 tysiač).
Ale varta ŭličvać, što na adnoj staroncy moža być niekalki dziasiatkaŭ rekłamnych dopisaŭ. A adnaho kandydata ŭ prezidenty mohuć rekłamavać dziasiatki supołak: asnoŭnaja supołka palityka, asobnaja «pieradvybarčaja» staronka, staronka jahonaj partyi, staronka jahonaha fan-kłuba, rehijanalnyja filijały partyi i inicyjatyŭnych hrup i h.d.. Kali heta ŭsio abjadnać — atrymlivajucca vielizarnyja biudžety.
U niekatorych vypadkach možna pahladzieć nie tolki statystyku rekłamnaj kampanii, ale i nazvy jurydyčnych asob, jakija jaje apłacili. Tak u vypadku z aficyjnaj staronkaj Cimašenka rekłamu apłačvaje TAA «Sučasnyja rekłamnyja rašeńni».
Časam traplajucca kurjoznyja momanty. Naprykład, kandydat u prezidenty Ina Bahasłoŭskaja apłaciła svaju rekłamu (albo za jaje apłacili) rasijskimi rublami!
Taksama možna pahladzieć, ludzi jakoha połu i ŭ jakim rehijonie Ukrainy prahladzieli rekłamu. U bolšaści papularnych palitykaŭ bolš palityčnaj rekłamy było ŭ Zachodniaj Ukrainie i Kijevie, dzie fejsbuk vielmi papularny. A voś va Uschodniaj Ukrainie ličby, pieravažna, mizernyja — tam usio jašče vielmi papularnyja rasijskija sacyjalnyja sietki, i fejsbukam ludzi karystajucca nie tak aktyŭna.
Niekatoryja kandydaty ŭkładajuć hrošy nie ŭ svaju rekłamu, a antyrekłamu kankurentaŭ.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka3
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary