Stvaranaja Kitajem kryłataja rakieta dalokaha radyusa dziejańnia moža zapuskacca z univiersalnaha modula, zamaskiravanaha pad standartny hruzavy kantejnier kamiercyjnaha sudna, piša The Washington Free Beacon.
Vydańnie adznačaje, što hramadzianski karabiel z takim abstalavańniem, jaki znachodzicca na stajancy ŭ amierykanskim porcie, budzie pradstaŭlać surjoznuju pahrozu biaśpiecy stratehičnym abjektam ZŠA. The Washington Free Beacon miarkuje, što padobnaja zbroja moža chavacca na mnostvie razhornutych Kitajem pa ŭsioj płaniecie baz, a taksama pradavacca amierykanskim supiernikam.
«Raźmiaščeńnie rakiet u kantejnierach daje Kitaju, Rasii i ich partnioram-izhojam novyja mahčymaści dla pramoha abo ŭskosnaha napadu na Złučanyja Štaty i ich sajuźnikaŭ», — skazaŭ ekśpiert Mižnarodnaha centra acenki i stratehii (ZŠA) Ryk Fišar.
Na dumku śpiecyjalista, «patencyjna kitajskija rakietnyja puskavyja ŭstanoŭki mohuć zachoŭvacca pobač z portam Sietła, čakajučy zapusku bojehałovak z elektramahnitnaj zbrojaj pa bazie [Cichaakijanskaha fłotu VMS] Kitsap».
Prymianieńnie padobnych rakiet, zhodna Fišeru, zdolna vyvieści z ładu elektroniku atamnych padvodnych łodak (APŁ), pieranosiačy jadziernyja rakiety Trident, i tym samym pasiejać chaos u Vašynhtonie, jaki b nie viedaŭ, «pa kim nanieści zvarotny ŭdar».
Vydańnie piša, što pierśpiektyŭnaja zbroja, jakaja ŭ ciapierašni čas prachodzić lotnyja vyprabavańni, źjaŭlajecca ŭdaskanalenaj viersijaj kitajskaj supraćkarabielnaj rakiety YJ-18C naziemnaha baziravańnia. Adznačajecca, što ŭ asnovie kitajskaj raspracoŭki lažyć rasijski kantejnierny kompleks rakietnaj zbroi Club-K.
Kamientary