U štabach Zialenskaha i Parašenki adreahavali na zajavu Łukašenki pra ŭkrainskija vybary
Źjaviłasia pieršaja reakcyja ŭ štabach favarytaŭ ukrainskich vybaraŭ na zaklik Alaksandra Łukašenki da ŭkraincaŭ nie hałasavać za Zialenskaha, paviedamlaje «Radyjo Svaboda».
president.gov.ua
U vybarčym štabie kandydata na prezydenta Ŭkrainy Ŭładzimira Zialenskaha adkazali na zaklik kiraŭnika Biełarusi Alaksandra Łukašenki ŭ druhim tury vybaraŭ nie hałasavać za aktora i biznesoŭca, jaki zaniaŭ pieršaje miesca pa vynikach pieršaha turu hałasavańnia.
«Nu ŭ vas ža (u Biełarusi) svaboda słova. Kožny maje prava kazać, što ličyć nieabchodnym», — skazaŭ Svabodzie Dźmitry Razumkoŭ, palittechnolah Uładzimira Zialenskaha, adkazvajučy na pytańnie pra staŭleńnie da zakliku Alaksandra Łukašenki nie hałasavać za Ŭładzimira Zialenskaha. Bolš detalna aceńvać vykazvańni kiraŭnika Biełarusi Dźmitry Razumkoŭ admoviŭsia.
U svaju čarhu palitolah Alaksandar Palij, jakoha ličać adnym ź siabraŭ hrupy palitkansultantaŭ dziejnaha prezydenta Ŭkrainy, miarkuje, što Alaksandar Łukašenka vykazaŭsia jak siabar Piatra Parašenka:
«Jon skazaŭ, jak jość, i jak siabar. Mahčyma, jahonaja zajava paŭpłyvaje na vybar uschodnich ukraincaŭ u druhim tury hałasavańnia».
U interviju tureckamu infarmacyjnamu ahienctvu Anadolu Alaksandar Łukašenka znoŭ zajaviŭ: jon schilny dumać, što na prezydenckich vybarach va Ŭkrainie pieramoža dziejny prezydent Piatro Parašenka.
Čytajcie taksama: Łukašenka: Ja schilny dumać, što prezidenckija vybary vyjhraje Parašenka
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary