Biełarus Sałaŭčuk: Mamajeŭ praciahnuŭ ruku da tvara, adšturchnuŭ mianie i pačaŭ nanosić udary
Biełarus Vital Sałaŭčuk, kiroŭca viadučaj «Pieršaha kanała» Volhi Ušakovaj, daŭ pakazańni ŭ sudzie ab napadzie 9 kastryčnika futbalistaŭ Alaksandra Kakoryna i Paŭła Mamajeva na jaho ŭ Maskvie.
«Ja chacieŭ užo źjazdžać, jak pobač z mašynaj raźbiŭsia šklany pradmiet, i askiepki palacieli ŭ mašynu, u rajon piaredniaha koła. Vyjšaŭ pahladzieć, ci jość paškodžańni.
Abychodziŭ mašynu śpieradu, u hety čas užo ruchalisia Mamajeŭ i Kakoryn. Vidać jašče Pratasavicki. Spytaŭ, chto kinuŭ plašku. Kakoryn adkazaŭ, što jon. Spytaŭ: navošta. Pačalisia pahrozy, abrazy.
Chłopcy pytalisia, čamu ja nazvaŭ kaho-niebudź ź ich pieŭniem. Ja nie razumieŭ, pra što jany havorać, usialak staraŭsia zhładzić kanflikt.
Mnie było niezrazumieła, čamu jany ahresiŭna da mianie nastrojeny. Ja havaryŭ spakojna, vielmi cicha, bieź jakich-niebudź abraźlivych vyrazaŭ.
Usie mohuć vyznačyć, jaki vypiŭ čałaviek ci nie. Jany byli šumnaj kampanijaj, jakaja pryciahvaje ŭvahu. Heta nie śmiech i viesiałość, z pretenzijami ni z taho ni z hetaha padyšli. Ad ich pach ałkaholu zychodziŭ.
Mamajeŭ uziaŭ mianie za tvar, za padbarodak. Jany stajali ŭ abdymku. Ja pasprabavaŭ rukoj prybrać jaho ruku ad tvaru, jany ŭdvaich kinulisia na mianie.
Mamajeŭ praciahnuŭ ruku da tvara, adšturchnuŭ mianie i pačaŭ nanosić ŭdary. Ja raźviarnuŭsia», — patłumačyŭ Sałaŭčuk.
Ciapier čytajuć
«My ŭsie hasudaravy ludzi». Karanik na raźvitańnie zajaviŭ pra svaju viernapaddanaść5
Kamientary