U kamandzie kandydata ŭ prezidenty Ukrainy Uładzimira Zialenskaha zajaŭlajuć, nie viaduć i nie źbirajucca vieści pieramoŭ z terarystyčnymi arhanizacyjami «ŁNR» i «DNR», i na aŭtanomiju častki Danbasa nie pahodziacca.
Pra heta paviedamiŭ siabra kamandy Zialenskaha Dźmitryj Razumkoŭ u intervju BBC News Ukrajina, adkazvajučy na pytańnie, ci mahčymyja pieramovy z samaabvieščanymi administracyjami ŭ Daniecku i Łuhansku.
«My takija pieramovy, viadoma, nie viadziem. Vieści pieramovy abo cisnuć treba na tych, chto moža prymać rašeńni», — skazaŭ Razumkoŭ.
Jon dadaŭ, što tak zvanyja administracyi «DNR» i «ŁNR» nie źjaŭlajucca subjektami pieramoŭnaha pracesu, jany tolki «havoračyja hałovy», tamu što ŭsie klučavyja rašeńni prymajucca ŭ Rasii.
«Tamu pieramovy ź imi — heta, miakka kažučy, małaefiektyŭna», — skazaŭ pradstaŭnik kamandy Zialenskaha.
Na ŭdakładniajučaje pytańnie, ci dapuščalna vieści ź imi pieramovy, Razumkoŭ skazaŭ:
«Siońnia heta terarystyčnyja arhanizacyi, i jość mižnarodnaja praktyka pa hetym pytańni».
Kamientujučy zajavu kuma Pucina Viktara Miadźviedčuka ab tym, što na viartańnie častki Danbasa va Ukrainu na pravach aŭtanomii pa jaho prahramie nibyta pahadzilisia i ŭ Daniecku, i Łuhansku, i navat u Maskvie, Razumkoŭ skazaŭ:
«U takim farmacie na hetych terytoryjach nie budzie adnoŭlena ŭkrainskaja ŭłada. Zialenski akreśliŭ čyrvonyja linii, za jakija jon nie piarojdzie: my nikoli nie budziem zdavać u arendu, daryć abo pradavać svaje terytoryi (a Krym i Danbas — heta terytoryja Ukrainy), hetak ža jak i svaich ludziej».
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć39
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary