Minlashas pra kryžy ŭ Kurapatach: Nie majuć adnosin da pamiaci achviar teroru

Ministerstva lasnoj haspadarki raźmiaściła ŭ siabie na sajcie aficyjny kamientar nakont padziej u Kurapatach, dzie rabotniki Baraŭlanskaha lashasa demantavali kryžy, ustalavanyja hramadskaściu ŭ pamiać pra achviar masavaha teroru na hetaj terytoryi.

Pavialičyć

Ministerstva paviedamlaje, što «Baraŭlanski śpieclashas» pravodziŭ «płanavyja raboty pa dobraŭparadkavańni lasnoha fondu».

«U pryvatnaści, śpiecyjalistami lesahaspadarčaj ustanovy byŭ ažyćcioŭleny znos niezakonnych abjektaŭ i ŭstanoŭlena aharodža pa miažy achoŭnaj zony», — paviedamili ŭ ministerstvie.

U kamientary paviedamlajecca, što hetyja raboty pravodzilisia ŭ adpaviednaści z p.10 Prajekta zony achovy historyka-kulturnaj kaštoŭnaści «Miesca hibieli achviar palityčnych represij (1930-1940 hady) va ŭročyščy Kurapaty (Minski rajon)», a taksama na padstavie pastanovy Savieta Ministraŭ Respubliki Biełaruś ad 17 vieraśnia 2018 h. № 675 «Ab zaćviardžeńni Praviłaŭ dobraŭparadkavańnia miemaryjałaŭ i pomnikaŭ voinskaj słavy, adzinočnych i brackich mahił voinaŭ, jakija zahinuli ŭ hady Pieršaj suśvietnaj i Vialikaj Ajčynnaj vojnaŭ, voinskich mohiłak, asobnych voinskich učastkaŭ ahulnych mohiłak, miescaŭ masavaha pachavańnia hramadzianskaha nasielnictva» i Kodeksa Respubliki Biełaruś ab kultury.

Ministerstva adznačaje, što padčas ustanoŭki aharodžy «Baraŭlanski śpieclashas» ažyćciaviŭ taksama znos «niezakonna ŭstanoŭlenych abjektaŭ» — kryžoŭ.

«Hetyja zbudavańni nie adlustravany ŭ isnujučym pašparcie abjekta i nie majuć nijakaha dačynieńnia da ŭšanavańnia pamiaci achviaraŭ stalinskaha teroru», — piša ŭ kamientary Minlashas.

U jakaści paćvierdžańnia svaich słoŭ ministerstva pryvodzić artykuł Ihara Marzaluka «Realii i mify ab BSSR: u BSSR u hady represij zahinuli miljony», apublikavanaj u haziecie «Sovietskaja Biełoruśsija».

«Takim čynam, zajavy asobnych aktyvistaŭ pra «abrazu pamiaci» i h.d. faktyčna nie majuć pad saboj histaryčnaj asnovy i, pa sutnaści, naŭmysna ŭvodziać hramadskaść u zman.

Varta taksama padkreślić, što ŭsie kryžy, ustanoŭlenyja na terytoryi ŭročyšča zakonnym čynam, pry praviadzieńni rabot pa dobraŭparadkavańni byli zachavanyja. Na terytoryi kompleksu možna znajści, u tym liku, i adny z samych pieršych kryžoŭ, što kaža pra trapiatkoje staŭleńnie dziaržavy da zachavańnia pamiaci», — adznačaje ministerstva.

• 0
• 0
• 0
• 0
• 0
• 0
• 0
• 0