Paviedamlajecca, što ŭ samalot trapiła małanka, zatym jon dvojčy ŭdaryŭsia ab ziamlu i zahareŭsia
U Šaramiećcieva ździejśniŭ žorstkuju pasadku pasažyrski łajnier Sukhoi Superjet 100.
«Pasažyrski samalot vylecieŭ z Šaramiećcieva ŭ Murmansk. Praź niekatory čas jon zapatrabavaŭ avaryjnuju pasadku, pry pasadcy zahareŭsia», — paviedamiŭ TASS surazmoŭca. U vyniku incydentu jość paciarpiełyja. Na miescy pracujuć ratavalniki i daktary. Jak paviedamiła RBK krynica ŭ Rasavijacyi, incydent adbyŭsia na borcie samalota «Aerafłota», jaki ažyćciaŭlaŭ rejs Maskva - Murmansk.
Ahoń achapiŭ łajnier całkam. Ludziam pryjšłosia ekstranna pakidać samalot.
Pa roznych źviestkach, zahinuli ad 10 da 13 čałaviek, niekalki čałaviek atrymali apioki.
TASS sa spasyłkaj na dadzienyja miedykaŭ paviedamlaje ab 13 zahinułych. SK aficyjna paćvierdziŭ hibiel adnaho čałavieka, jašče čaćviora źviarnulisia pa dapamohu.
MNS paviedamiła ab šaściarych dastaŭlenych u balnicy. Bolš za ŭsio ŭ łajniera paciarpieła chvastavaja častka, vyratavalniki miarkujuć, što tam mohuć znachodzicca ludzi. «Interfaks» sa spasyłkaj na krynicu paviedamlaje, što na dadzieny momant nieviadomy los 13 čałaviek.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ67
Kamientary