Adama Bialackaha adpraviać na hod u polskuju kałoniju za akcyju ŭ Aśviencimie
***
Udakładnieńnie. U pieršasnaj viersii paviedamlałasia, što i Bialacki, i Vaładźko atrymali pa 1 hodu i 8 miesiacaŭ źniavoleńnia. U realnaści ž Bialackamu prysudzili 1 hod, a Vaładźko — 8 miesiacaŭ.
Akruhovy sud u Krakavie ŭ aŭtorak źmiakčyŭ prysud biełarusam, jakija zładzili akcyju kala bramy byłoha nacysckaha kancłahiera Aŭšvic-Birkienaŭ u Aśviencimie, paviedamlaje Tut.by sa spasyłkaj na Gazeta Krakowska.
Incydent adbyŭsia ŭ sakaviku 2017 hoda. Niekalki čałaviek, ź ich piać biełarusaŭ, zabili aviečku, raspranulisia dahała i źviazali adzin adnaho łancuhom la ŭvachodu ŭ kancłahier — bramy, na jakoj napisana Arbeit macht frei («Praca vyzvalaje»). Palicyja apieratyŭna zatrymała ŭdzielnikaŭ akcyi. Abvinavačanyja rastłumačyli, što jany praviali akcyju chepieninhu (forma sučasnaha mastactva, jakaja ŭjaŭlaje saboj dziejańni, padziei abo situacyi, jakija adbyvajucca pry ŭdziele mastaka, ale nie kantralavanyja im całkam. Zvyčajna ŭklučaje ŭ siabie impravizacyju i nie maje, u adroźnieńnie ad pierformansu, vyraznaha scenara).
Biełarusaŭ Adama Bialackaha i Mikitu Vaładźko, jakija byli arhanizatarami akcyi i zabili aviečku, prysudzili da turemnych terminaŭ.
Bialacki atrymaŭ 1 hod i 6 miesiacaŭ pazbaŭleńnia voli. Jon taksama abaviazany zapłacić štraf u pamiery 2 tysiač złotych (kala 630 dalaraŭ) na karyść arhanizacyi abarony žyvioł. Mikita Vaładźko prysudžany da 1 hoda i 2 miesiacaŭ pazbaŭleńnia voli. Abodvum zabaroniena zavodzić žyvioł na praciahu 10 hadoŭ. Astatnija abvinavačanyja atrymali štrafy ŭ pamiery 10 tysiač złotych i abmiežavańnie voli na 1 hod.
Asudžanyja asprečyli rašeńnie aśviencimskaha suda, tamu hetaj spravaj zaniaŭsia sud vyšejšaj instancyi ŭ Krakavie.
Bialacki i Vaładźko prysudžanyja da adnaho hoda i vaśmi miesiacaŭ pazbaŭleńnia voli adpaviedna, a taksama zabaronie na praciahu niekalkich hadoŭ zavodzić chatnich žyvioł. Astatnim fihurantam spravy pamienšyli pamier štrafu da 7,5 tysiač złotych (kala 2 tysiač dalaraŭ). Hety prysud abskardžańniu nie padlahaje.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj30
Kamientary