Hienieralnaja prakuratura aryštavała byłoha dyrektara Departamienta finansavych rasśledavańniaŭ Kamiteta dziaržaŭnaha kantrolu, byłoha kiraŭnika KDB pa Bresckaj vobłaści Anatola Hramoviča.
Hienieralnaja prakuratura aryštavała byłoha dyrektara Departamienta finansavych rasśledavańniaŭ Kamiteta dziaržaŭnaha kantrolu, byłoha kiraŭnika KDB pa Bresckaj vobłaści Anatola Hramoviča.
Jamu inkryminujecca stvareńnie i ŭdzieł u bujnoj złačynnaj arhanizacyi, što naličvaje niekalki dziasiatkaŭ čałaviek.
Anatol Hramovič byŭ pryznačany na pasadu namieśnika staršyni Kamiteta dziaržaŭnaha kantrolu — dyrektara Departamienta finansavych rasśledavańniaŭ u studzieni 2002 h. Adbyłosia heta nieŭzabavie paśla taho, jak były Dziaržaŭny kamitet finansavych rasśledavańniaŭ (DKFR) zhubiŭ samastojnaść i šlacham pieraŭtvareńnia ŭ departamient uvajšoŭ u skład Kamiteta dziaržkantrolu.
Na pasadu dyrektara DFR KDK Anatol Hramovič pryjšoŭ z pasady namieśnika načalnika Upraŭleńnia KDB pa Bresckaj vobłaści.U tym, što kiraŭnikom finansavaj milicyi Biełarusi staŭ čekist, nie było ničoha niezvyčajnaha. Staršynia Kamiteta dziaržkantrolu Anatol Tozik taksama z byłych. Jon aktyŭna i vielmi paśpiachova ŭkaraniaŭ u hetaj struktury čekisckija mietady pracy (u dobrym sensie hetaha słova), tamu i ŭziaŭ dyrektaram DFR kalehu.
Kali A.Tozik źjechaŭ pasłom u Kitaj, a KDK paśla šaści miesiacaŭ biezuładździa ŭznačaliŭ Zianon Łomać, situacyja kardynalna źmianiłasia. Stasunki z novym staršyniom kamitetu, jaki niedalublivaŭ čekistaŭ, u A.Hramoviča nie skłalisia ad samaha pačatku. I praź miesiac, u listapadzie 2006 h., ukazam prezidenta jon byŭ vyzvaleny ad pasady i zaličany ŭ rasparadžeńnie staršyni KDK dla nastupnaha zvalnieńnia z orhanaŭ finansavych rasśledavańniaŭ.
Paśla zvalnieńnia dyrektara z DFR KDK adnaho za druhim prybrali i ŭsiu jahonuju kamandu: namieśnika, kiraŭnika śledčaha padraździaleńnia, śledčych, apieratyŭnikaŭ i h.d.Razam z hetym stała viadoma, što Hienieralnaja prakuratura pačała aktyŭna kapać pad byłoha dyrektara DFR KDK. Chadzili čutki, što z dnia na dzień A. Hramovič budzie aryštavany. Ale zvalnieńnie zvalnieńniem i skončyłasia. Nie bolej. Adnak ciapier Hienieralnaja prakuratura dała sabranym materyjałam novuju, pryčym davoli paśpiachovuju chadu.
U pres‑słužbie Hienprakuratury nie zdoleli padćvierdzić albo abvierhnuć infarmacyju pra aryšt Anatola Hramoviča. Jak skazali, usie, chto moh by patłumačyć situacyju, znachodziacca na kalehii, a tamu niedasiažnyja. Ale i biez aficyjnych tłumačeńniaŭ my zdoleli vyśvietlić niekatoryja, niachaj i mizernyja, padrabiaznaści.
Nahodaj dla aryštu byłoha dyrektara DFR KDK stała pradjaŭlenaje jamu abvinavačvańnie pa adnym z samych surjoznych artykułaŭ Kryminalnaha kodeksu Biełarusi ‑č.3 art.285 (stvareńnie złačynnaj arhanizacyi albo ŭdzieł u joj, ździejśnienyja słužbovaj asobaj z vykarystańniem svaich słužbovych paŭnamoctvaŭ). Hety artykuł, u pryvatnaści, praduhledžvaje pakarańnie da 15 hadoŭ pazbaŭleńnia voli.
Abvinavačvańnie tyčycca taho pieryjadu dziejnaści A.Hramoviča, kali jon byŭ namieśnikam kiraŭnika Upraŭleńnia Kamiteta dziaržbiaśpieki pa Bresckaj vobłaści. Tak što raspačataja sprava — heta chutčej plama na śvietłym abliččy KDB, čym KHK. Chacia nie vyklučana, što śledčyja nakapajuć štości suprać A.Hramoviča, datyčnaje pieryjadu, kali jon byŭ dyrektaram u DFR KDK.
Zhodna z papiarednimi źviestkami, sprava źjaŭlajecca praciaham cełaha šerahu hučnych rasśledavańniaŭ Hienieralnaj prakuratury pa fakcie dziejnaści na zachodnich miežach biełaruskaj miažy złačynnaj arhanizacyi, jakaja ŭklučała ŭ siabie mnostva złačynnych hrupovak roznaj śpiecyjalizacyi. Viadziecca pra padmanny tranzit, uchileńnie ad spłaty myta pry pastaŭcy ŭ Biełaruś roznych tavaraŭ, daču i atrymańnie bujnoha chabaru i h.d. i t.p.
Pakul, na žal, nieviadoma, jaki byŭ udzieł A.Hramoviča ŭ złačynnaj arhanizacyi. Viadoma tolki, što pradjaŭlenaje jamu abvinavačvańnie tyčycca spravy, što ciapier razhladajecca ŭ adnym z sudoŭ, u jakoj fihurujuć 23 abvinavačanyja ź liku supracoŭnikaŭ mytni, KDB, MUS, a taksama biznesoŭcaŭ.
A.Hramovič prachodzić pa joj śviedkam, ale ŭ adnosinach jaho i jašče šerahu asobaŭ užo raspačali asobnyja spravy. Pryčym sprava zaviedzienaja mienavita pavodle tych materyjałaŭ, jakija Hienieralnaja prakuratura aktyŭna prapracoŭvała dva hady tamu. Ale tady dla pradjaŭleńnia A.Hramoviču abvinavačvańnia nie chapiła dokazaŭ. Ciapier jany źjavilisia.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary