Užo siońnia! «Ci dobra być suślikam?» — daviedajucca dzietki padčas hulni-śpiektakla
Kampanija «Budźma biełarusami!» zaprašaje na premjeru śpiektakla dla dziaciej «Ci dobra być suślikam?», jakaja adbudziecca 18 červienia ŭ Minsku.
Naš śpiektakl — nie prosta pastanoŭka, a jašče i hulnia. Dzieci nie tolki daviedajucca pra dzivosy i pieratvareńni, jakija mohuć adbycca ŭ škole, ale i sami paŭdzielničajuć u ich. Zadumajucca pra toje, što moža atrymacca, kali nie słuchać nastaŭnika. Što rabić u toj ci inšaj situacyi, a hałoŭnaje — navošta?
A jašče maleńkich naviednikaŭ čakajuć viasiołyja hulni, konkursy dy pryjemnyja siurpryzy.
I heta nie ŭsio! Padčas imprezy adbudziecca prezientacyja razmaloŭki «Jan, Janina, Vasilina: pravy čałavieka i dziciaci ŭ malunkach». Heta jarkaja malavanka z sučasnymi viasiołymi karcinkami, jakaja na dastupnaj dzieciam movie tłumačyć surjoznyja rečy. Lohki siužet, blizkija dzieciam vobrazy, cikavyja malunki z drobnymi detalami pieratvorać znajomstva z takoj važnaj temaj, jak pravy čałavieka, u cikavuju hulniu.
Kožny maleńki naviednik atrymaje asobnik razmaloŭki biaspłatna.
Dzie: Kampjutarnaja akademija «ŠAH» (h. Minsk, vuł. K. Marksa, 32, treci pavierch, kanfierenc-zała)
Kali: 18 červienia, 18:30
Uvachod volny!
Padzieja ŭ Facebook
Śpiektakl i prezientacyja adbuducca ŭ miežach prajekta «Majo prava».
Padpisacca na kanał «Budźmy» ŭ telehramie
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary