Alaksandr Łukašenka daručyŭ uradu paskoryć uzhadnieńnie z Rasijaj prahramy dziejańniaŭ pa pahłybleńni intehracyi. Ab hetym paviedamiŭ siońnia žurnalistam premjer-ministr Biełarusi Siarhiej Rumas pa vynikach narady kiraŭnika dziaržavy z kiraŭnictvam Saŭmina, pieradaje BiełTA.
U liku razhladajemych pytańniaŭ na naradzie abmiarkoŭvałasia raźvićcio adnosin z Rasijaj. Pavodle słoŭ premjer-ministra, Alaksandr Łukašenka bolš padrabiazna prainfarmavaŭ členaŭ urada ab praviedzienych niadaŭna ŭ Sankt-Pieciarburhu pierahavorach z Uładzimiram Pucinym i daŭ daručeńnie paskoryć rabotu nad uzhadnieńniem pałažeńniaŭ abnoŭlenaj prahramy dziejańniaŭ.
«Usie pieršapačatkovyja terminy, jakija byli ŭstanoŭleny, pavinny vytrymlivacca. Litaralna ŭžo ciapier urad pačynaje adpracoŭku sa svaimi kalehami ŭsich pakul jašče niaŭzhodnienych pytańniaŭ pa pahłyblenaj intehracyi z Rasijskaj Fiederacyjaj», — raskazaŭ Siarhiej Rumas.
Jon nahadaŭ, što bakam zastałosia ŭzhadnić niekalki pytańniaŭ pa prahramie dziejańniaŭ. Jak tolki heta rabota budzie zavieršana, pačniecca raspracoŭka darožnych kart pa siektarach. U listapadzie ich płanujecca pradstavić kiraŭnikam dziaržaŭ.
U Łahojsku piekar admaŭlajecca pradavać svoj chleb pakupnikam, u jakich jość sabaki82
Kamientary