Chakieist biełaruskaj «Lidy», imia jakoha nie nazyvajecca, ŭčyniŭ pahrom u budynku kłuba i atakavaŭ vartaŭnika. Pra heta paviedamlaje «Lidskaja hazieta».
U vyniku 22-hadovy forvard byŭ asudžany za chulihanstva. Jon aštrafavany na 2550 rubloŭ.
Adbyłosia nastupnaje. Častka hulcoŭ kamandy, apłačvajučy samastojna, pražyvała ŭ pakojach adpačynku ŭ administracyjnym budynku stadyjona «Start». Inšyja zdymali kvatery ŭ žyłym siektary. Siarod takich byŭ i fihurant spravy. Adnak pierad samym zaviaršeńniem čempijanats jon źjechaŭ z kvatery i na niekalki dzion pierasialiŭsia ŭ administracyjny budynak.
Na trecija sutki vyrašyŭ prahulacca pa horadzie. Haścinica da taho času ŭžo była začyniena, ale vartaŭnik vypuściŭ pastajalca. U načnym kłubie małady čałaviek prasiadzieŭ hadziny dźvie, vypiŭ dźvie šklanki džynu sa sprajtam i, niahledziačy na choład i drobny doždž, pieššu adpraviŭsia nazad.
Kala bramy stadyjona chłopiec apynuŭsia a treciaj nočy. Niekalki razoŭ pahrukaŭ, dumajučy, što vartaŭnik pačuje i ŭpuścić na terytoryju. Zatym pieralez cieraz varoty, padyšoŭ da ŭvachodnych dźviarej haścinicy i zabarabaniŭ kułakom u dźviery. Adkazu nie było. Sa złości ŭdaryŭ pa ich nahoj. Ad udaru nižniaja častka škłopakieta adlacieła.
Chakieist prasunuŭ u prajom ruku, adkryŭ zamok i apynuŭsia ŭ tambury. Jamu čamuści zdałosia, što i druhija dźviery začynienyja na kluč (adkryvalisia ŭ inšy bok). Ad złości pačaŭ treści čarhovuju pieraškodu.
I tut ubačyŭ vartaŭnika. Toj chutkim krokam nakiroŭvaŭsia da miesca zdareńnia. Tut jon i trapiŭ pad haračuju ruku spartsmiena.
Małady čałaviek, ničoha nie kažučy, udaryŭ vartaŭnika kułakom u tvar. U taho razłamalisia akulary, a sam jon nie vystajaŭ na nahach i pavaliŭsia a śpinu. Mikałaj kinuŭsia da achviary, schapiŭ za koftu, prymianiŭ siłavy pryjom, pryŭźniaŭ za švedar i paciahnuŭ pa padłozie, pry hetym niekalki razoŭ udaryŭsia vartaŭnika.
«Tam ludzi moknuć», — skazaŭ chakieist.
Praćvierazieŭšy małady čałaviek uśviadomiŭ svaju vinu. Pryznaŭ jaje i ŭ chodzie śledstva pa kryminalnaj spravie i padčas sudovaha pasiedžańnia.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ5
Kamientary