Biełaruskim pradprymalnikam prapanavali ŭziać kredyt na raźvićcio biznesu ŭsiaho za 2 hadziny. BPS-Śbierbank skaraciŭ čas pryniaćcia rašeńnia da rekordnaha minimumu. U zvyšchutkim režymie možna atrymać kredyt na sumu da $180 tysiač. Prapanova dastupnaja dla biznesu sa štohadovaj vyručkaj da $2 młn.
U paskoranym farmacie dastupny kredyt na sumu da $180 tysiač, jaki vydajecca pad paručycielstva ŭłaśnika biznesu. Pazykaj mohuć skarystacca indyvidualnyja pradprymalniki i jurydyčnyja asoby ź liku małoha biznesu, pryčym jak dziejsnyja, tak i novyja klijenty banka.
Prajekt realizavany dziakujučy bankaŭskim inavacyjam. U pryvatnaści, śpiecyjalisty banka aŭtamatyzavali try pracesy: vieryfikacyju udzielnikaŭ, pryniaćcie rašeńnia pa ździełcy i farmiravańnie kredytnaj dakumientacyi.
Taksama ŭ BPS-Śbierbanku stvaryli adzinaje pracoŭnaje miesca dla ŭsich zacikaŭlenych słužbaŭ i ŭkaranili novuju skorynhavuju madel na asnovie Big Data. Heta dazvoliła radykalna skaracić terminy i istotna pavialičyć adsotak stanoŭčych rašeńniaŭ pa kredytnych zajaŭkach.
Kamientary