Baćka i syn z Maładziečna ašukali ludziej na 260 tysiač dalaraŭ
Maładziečanskija śledčyja zaviaršyli rasśledavańnie kryminalnaj spravy ab machlarstvie.
Maładziečanski rajonny adździeł Śledčaha kamiteta zaviaršyŭ rasśledavańnie kryminalnaj spravy ŭ dačynieńni da dvuch mužčyn, jakija abvinavačvajucca ŭ machlarstvie, ździejśnienym paŭtorna hrupaj asob, u asabliva bujnym pamiery, i ŭ padbuchtorvańni da dačy chabaru.
60-hadovy žychar Maładziečna ŭ zmovie sa svaim 37-hadovym synam, u pieryjad času z 2015 hoda pa 2018 hod padmannym šlacham zavałodaŭ hrašovymi srodkami čatyroch hramadzian na ahulnuju sumu bolš za 260 tysiač dalaraŭ ZŠA.
U chodzie asabistych sustreč i telefonnych razmoŭ starejšy z abvinavačanych pierakonvaŭ znajomych paŭdzielničać u pahadnieńni pa realizacyi kompleksu drevaapracoŭčaha abstalavańnia, abiacajučy im značny dachod ad jaho prodažu.
Paciarpiełyja ŭ niekalki etapaŭ pieradavali hrašovyja srodki. U asnoŭnym u zamiežnaj valucie.
Abvinavačanyja vykarystoŭvali roznyja padstavy: dla apłaty pasłuh pa naładzie abstalavańnia, ryełtara dla pošuku pakupnika, transpartnaj arhanizacyi, hruzčykaŭ pry transpartoŭcy kompleksu ŭ Maskvu i arendy pamiaškańniaŭ dla jaho zachoŭvańnia.
U dalejšym jany vykarystoŭvali inšyja sposaby.
Śledčyja dapytali paciarpiełych i śviedak, a taksama daśledavali aformlenyja raśpiski, jakija pryznanyja rečavymi dokazami.
Dapytanyja ŭ jakaści abvinavačanych mužčyny vinu ŭ ździajśnieńni złačynstvaŭ nie pryznali, u dalejšym ad davańnia pakazańniaŭ admovilisia.
Da abodvuch prymieniena miera strymańnia ŭ vyhladzie zaklučeńnia pad vartu. Na ich majomaść, u liku jakoha dva aŭtamabili, abjekt nieruchomaści, nakładzieny aryšt. Kryminalnaja sprava pieradadziena prakuroru dla nakiravańnia ŭ sud.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary