Kamanda «Našaj Nivy» druhi raz zapar pieramahaje ŭ Biełaruskaj intelektualnaj hulni. Što heta takoje?
U Minsku siońnia ładziacca dziasiatki pab-kvizaŭ — viktaryn u barach ci kafe — siarod ich Biełaruskaja intelektualnaja hulnia (BIH) admietnaja tym, što pravodzicca pa-biełarusku i ŭsie pytańni ŭ joj pryśviečany biełaruskaj tematycy.
Farmat hulni nastupny: 9 turaŭ pa roznych temach, u jakich kamandam prapanujecca adkazać na 50 pytańniaŭ. Pieramahaje toj, chto nabiraje bolš bałaŭ za supiernikaŭ.
Voś prykłady pytańniaŭ:
1) Adnojčy HETY ČAŁAVIEK na prezientacyi presa dla vinahradu pabačyŭ ludziej ź vialikimi piarścionkami. Heta natchniła jaho na vynachodnictva, a ŭ honar jaho paśladoŭnika ŭ Biełarusi nazvanyja šmat abjektaŭ.
2) Jość viersija, što nazva HETAHA horada źviazanaja ź jaho hieahrafičnym stanoviščam — jon staić na miescy, dzie Druć pad vuhłom upadaje ŭ Dniapro.
3) U 1985 hodzie ŭ Oršy prachodziŭ sieminar tvorčaj moładzi. Padčas sieminara małady piśmieńnik Uładzimir Arłoŭ adznačyŭ, što ŭ horadzie niama vulicy Karatkieviča, i prapanavaŭ nazvać imiem piśmieńnika vulicu Kasmanaŭtaŭ. Ale partsakratar byŭ kateharyčna suprać.
— Jany što, usie naradzilisia ŭ Oršy ci žyli tut? — nie zdavaŭsia Arłoŭ.
Što adkazaŭ na heta čynoŭnik?
Adkazy možna znajści ŭ kancy artykuła.
Časopis «Naša Historyja» niadaŭna staŭ partnioram BIH — kamandy, jakija adkazvajuć pravilna na pytańni tura «Naša Historyja», atrymlivajuć u padarunak časopis.
Ź lipienia 2015 hoda prajšło ŭžo 28 rozyhryšaŭ BIH, zvyčajna hulni prachodziać raz na paŭtara-dva miesiacy. Kamanda supracoŭnikaŭ «Našaj Nivy» taksama ŭdzielničaje ŭ BIH, i ŭ apošnich dvuch rozyhryšach joj udałosia pieramahčy.
Skład kamandy «Nie być skotčam»:
- Hanna Klimovič
- Źmicier Pankaviec
- Jahor Chavanski
- Natalla Tur
- Taćciana Kurjan
- Vola Aficerava (fatahrafuje)
Sačyć za ŭsimi padziejami i zarehistravacca na nastupny BIH, kab pieramahčy kamandu «NN», možna tut: Ukantakcie, Facebook, Instagram.
Adkazy:
- Iahan Hutenbierh
- Rahačoŭ
- Partsakratar z humaram adznačyŭ, što kasmanaŭty pralatali nad Oršaj.
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć39
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary