Ukrainski ministr paabiacaŭ cemientabietonnyja darohi «pa prykładzie Biełarusi»
U nastupnyja 5 hadoŭ va Ukrainie buduć budavać aŭtadarohi z užyvańniem sučasnych technałohij, siarod jakich i ciemientabietonnyja darohi pa prykładzie Biełarusi. Pra heta zajaviŭ ministr infrastruktury Uładzisłaŭ Kryklij padčas sumiesnaha bryfinhu ź ministram transpartu i kamunikacyj Respubliki Biełaruś Alaksiejem Aŭramienkam u ramkach Druhoha forumu rehijonaŭ u Žytomiry, pieradaje Ukrinfarm.
«Vopyt Biełarusi my pierajmajem. U nas navat jość arhanizacyja «Biełaŭtadar», jakaja naroščvaje svoj patencyjał, pavialičvajučy kankurencyju. Raniej darohi nie budavalisia nie tolki z-za adsutnaści palityčnaj voli i inšych pryjarytetaŭ, ale taksama z-za adsutnaści darožnaha fondu. U hetym hodzie jon budzie rekordnym i moža atrymać kala 75 mdrd hrn, nie ličačy padtrymki mižnarodnych finansavych arhanizacyj. U prahramie dziejańniaŭ urada my pastavili vielmi ambicyjnuju metu pa 24 tys. km daroh na praciahu 4,5-5 hadoŭ. Tam praduhledžana vykarystańnie novych technałohij, siarod jakich — ciemientabietonnyja darohi», — skazaŭ Kryklij.
Pavodle jaho słoŭ, cemientabietonnyja darohi nie źjaŭlajucca panacejaj, bo ŭsio zaležyć ad kožnaha kankretnaha ŭčastka.
Biełaruski ministr u svaju čarhu adznačyŭ, što ŭ Biełarusi madernizavany cemientnyja zavody i viadziecca aktyŭnaje budaŭnictva cemientabietonnych daroh z harantyjaj ekspłuatacyi na 25 i bolš hadoŭ.
«U nas u ramkach dziaržaŭnaj prahramy pryniata rašeńnie ab paraŭnalnym analizie budaŭnictva aŭtamabilnych daroh z asfaltabietonu i cemientabietonnaj. My madernizavali svaje cemientnyja zavody i na praciahu apošnich hadoŭ viadziem aktyŭnaje budaŭnictva cemientabietonnych daroh z harantyjaj ekspłuatacyi na 25 i bolš hadoŭ. Praktyčna ŭsio novaje budaŭnictva — heta cemientabietonnyja darohi, i ŭ budučyni budziem praciahvać takuju praktyku», — dadaŭ Aŭramienka.
Abodva ministry prymuć udzieł u kruhłym stale pa palapšeńniu sudnachodstva na rekach Dniapro i Prypiać.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie27
Kamientary