Maryjana Ščotkina padała zajavu ab vyzvaleńni ad pasady namieśnika staršyni Savieta Respubliki, pieradaje BiełTA.
Heta źviazana z tym, što Maryjana Ščotkina pierachodzić na novaje miesca pracy.
Maryjana Ščotkina pierachodzić na novaje miesca pracy. «Z pačatku listapada ja pavinna prystupić da pracy na novym miescy. Na dvuch kresłach, naturalna, usiedzieć nielha, tamu ja źviarnułasia z prośbaj vyzvalić mianie ad pasady», — skazała Maryjana Ščotkina, vystupajučy pierad sienatarami.
Rašeńnie ab vyzvaleńni Maryjany Ščotkinaj ad pasady vice-śpikiera sienatara pryniali šlacham tajnaha hałasavańnia.
Razam z tym, da kanca sklikańnia Ščotkina zastajecca členam Savieta Respubliki. Jana vybrana členam Pastajannaj kamisii pa mižnarodnych spravach i nacyjanalnaj biaśpiecy.
Maryjana Ščotkina nie pryznałasia žurnalistam, kudy sychodzić, ale zapeŭniła, što z pola zroku presy nie vypadzie.
Pavodle infarmacyi TUT.BY, Ščotkina pierachodzić na pracu ŭ Pastajanny kamitet Sajuznaj dziaržavy, da Ryhora Rapoty.
Pastajanny kamitet Sajuznaj dziaržavy — heta rabočy aparat Vyšejšaha Dziaržsavieta Sajuznaj dziaržavy i Saŭmina Sajuznaj dziaržavy. Kiruje pracaj Pastajannaha kamiteta dziaržsakratar Sajuznaj dziaržavy Ryhor Rapota, a taksama ŭ skład Pastajannaha kamiteta ŭvachodziać čatyry jaho namieśniki, pa dva ad Rasii i Biełarusi. Ad Biełarusi ciapier zaniata adno miesca — jaho zajmaje były ministr finansaŭ Uładzimir Amaryn.
Marjana Ščotkina ŭ 2009—2016 hadach rabiła na pasadzie ministra pracy i sacyjalnaj abarony nasielnictva. Z 2016 hoda jana pracavała na pasadzie namieśnika staršyni Savieta Respubliki.
Ciapier čytajuć
Za apošnija 10 hadoŭ arendnyja staŭki vyraśli ŭdvaja. Za kolki ciapier zdajuć kvatery2
Za apošnija 10 hadoŭ arendnyja staŭki vyraśli ŭdvaja. Za kolki ciapier zdajuć kvatery
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka2020
Kamientary