ŚMI daviedalisia ab ździełcy na $100 młrd, prapanavanaj Trampam Erdahanu
Prezident ZŠA Donald Tramp prapanavaŭ tureckamu lidaru Redžepu Taipu Erdahanu handlovaje pahadnieńnie na $100 młrd, a taksama sposab abychodu amierykanskich sankcyj z-za nabyćcia Turcyjaj rasijskich zienitnych kompleksaŭ S-400. Pra heta piša The Washington Post sa spasyłkaj na vysokapastaŭlenych čynoŭnikaŭ amierykanskaj administracyi.
Pavodle vydańnia, adpaviedny list byŭ nakiravany Erdahanu na minułym tydni dla palapšeńnia adnosinaŭ pamiž ZŠA i Turcyjaj, jakija sapsavalisia paśla praviadzieńnia Ankaroj vajennaj apieracyi ŭ Siryi.
12 listapada Erdahan vypraviŭsia z aficyjnym dvuchdzionnym vizitam u Vašynhton, dzie płanuje pravieści pieramovy z Trampam u farmacie sam-nasam. U minułym miesiacy pałata pradstaŭnikoŭ Kanhresu ZŠA padtrymała ŭviadzieńnie sankcyj u dačynieńni da Turcyi. «Žudasna, što Tramp zaprasiŭ Erdahana ŭ Bieły dom paśla taho, jak jon napaŭ na našych siryjskich kurdskich sajuźnikaŭ, a tureckija siły ździejśnili toje, što sama administracyja nazyvaje vajennymi złačynstvami», — skazaŭ sienatar-demakrat Krys Van Cholen.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary