RBK: Razmovu pra «nadnacyjanalnyja orhany» adkłali minimum da 2023 hoda
Uzhadnieńnie 31-j «darožnaj karty» pa intehracyi Rasiei i Biełarusi, jakaja prapanuje stvareńnie nadnacyjanalnych orhanaŭ, adkładziena na nastupny etap abmierkavańnia, raspaviali krynicy RBK. Inšyja karty uzhodnieny.
23 śniežnia na sustrečy z žurnalistami premjer Rasii Dźmitryj Miadźviedzieŭ abviaściŭ ab tym, što Maskva i Minsk ŭzhadnili prahramu pahłyblenaj ekanamičnaj intehracyi, prapisanaj u adpaviednych kartach. Da hetaha było viadoma, što ŭsiaho ich 31. Adnak pierajści da vykanańnia apošniaj karty, pa słovach Miadźviedzieva, možna budzie paśla vykanańnia ŭsich papiarednich. Jana praduhledžvaje stvareńnie nadnacyjanalnych orhanaŭ, adzinaha emisijnaha centra i ŭviadzieńnie adzinaj valuty.
Heta nie supadaje z publičnaj pazicyjaj Minska, jaki kateharyčna admaŭlaŭsia abmiarkoŭvać stvareńnie nadnacyjanalnych struktur.
Ab stvareńni nadnacyjanalnych orhanaŭ «na hetym etapie» havorki nie viadziecca, zapeŭniŭ RBK adna z krynic, znajomych ź pieramovami z rasijskaha boku. Jak minimum z-za terminaŭ realizacyi prapanoŭ: samy karotki termin vykanańnia samych prostych «darožnych kart» — 2021 hod, kaža jon i dadaje, što na inšyja praduhledžana jašče bolš času: skončyć da 2023 hoda ci navat da 2024 hoda, tamu pierśpiektyva stvareńnia nadnacyjanalnych orhanaŭ abo adzinaha emisijnaha centra vielmi dalokaja, reziumavaŭ jon.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary