Zapuściŭsia maštabny prajekt pa vydańni najlepšaha ź biełaruskaha falkłoru
Siaržuk Doŭhušaŭ razam z kamandaj adnadumcaŭ Tradycyja raspačali zbor srodkaŭ na vielmi važny prajekt — padrychtoŭku i realizacyju internet-vydańniaŭ «Najlepšaje ź biełaruskaha falkłoru».
«Za hady ekśpiedycyj i arhanizacyi vialikaj kolkaści prajektaŭ my sabrali i zapisali ŭnikalnyja materyjały ad najlepšych nośbitaŭ tradycyj, — kaža aŭtar prajekta Siaržuk Doŭhušaŭ. — My majem zapisy kalektyvaŭ i solnych vykanaŭcaŭ, jakija ŭsio žyćcio śpiavajuć i praciahvajuć śpieŭnuju tradycyju svaich viosak. Na žal, nichto ź ich nie maje nivodnaha zapisanaha alboma.
Naprykład, kalektyŭ «Taniažanka» ź vioski Toniež, isnuje z 1935-ha hoda, a najstarejšamu śpievaku sa Stolinšyny Vasilu Laśko ŭžo 92 hady. Tamu nam treba śpiašacca».
U płanach vydać internet-relizy, albomy nastupnych vykanaŭcaŭ: kalektyŭ «Vytoki»(Łuniniecki r-n), «Chatovičy»(Hancavicki r-n), duet Jeŭdakii Zinovič i Fiodara Bułyhi (Drahičynski r-n), «Taniažanka»(Lelčycki r-n), siamiejny hurt «Siostry Łukjanovič» (Drahičynski r-n), Vasil Laśko (Stolinski r-n), «Radzina» (Biarezinski r-n), «Staŭbunskija viačorki» (Vietkaŭski r-n), «Chacisłavianie» (Małarycki r-n), «Cierabianačka» i «Čabatuchi» (Pinski r-n).
Usie materyjały buduć dasiažnyja dla kožnaha.
Patrebna sabrać peŭnuju sumu, kab pakryć usie vydatki:
- padrychtoŭka i masterynh zapisaŭ
- dyzajn (stvareńnie vokładak i vizuału)
- rasšyfroŭka tekstaŭ
- albomy z fłeškami dla ŭsich ŭdzielnikaŭ prajekta.
Prajekt možna padtrymać praz PayPal: [email protected] albo na płatformie molamola.by
Ustanova «EtnaTradycyja / TRADYCYJA — arhanizacyja, dziejnaść jakoj nakiravana na raźvićcio i papularyzacyju biełaruskaj tradycyjnaj kultury.
Kamientary