Siońnia sud Savieckaha rajona Homiela vynies rašeńnie pa kryminalnaj spravie pryvatnaha abvinavačvańnia ŭ dačynieńni da nastaŭnika małodšych kłasaŭ, jakaja padčas uroka schapiła školnicu za vucha i traŭmavała jaho, paviedamlaje Tut.by.
Ciapier užo byłoha piedahoha himnazii № 71 Homiela, 47-hadovuju Taćcianu P. (paśla incydentu žančyna była zvolnienaja z navučalnaj ustanovy) pryznali vinavataj u pryčynieńni lohkaha cialesnaha paškodžańnia. Sud prysudziŭ jaje da štrafu ŭ pamiery 70 bazavych vieličyń (1890 rubloŭ).
Nahadajem, 21 studzienia pamiž nastaŭnikam i vučanicaj treciaha kłasa himnazii № 71 adbyŭsia kanflikt: piedahoh schapiła za vucha dzicia i traŭmavała jaho. Baćki napisali zajavu ŭ milicyju, pačałasia pravierka. 17 lutaha stała viadoma, što pravierku skončyli. Adnak vyniki ŭ milicyi nie raspaviali, spasłaŭšysia na toje, što ŭ dadzienym vypadku zakranajucca intaresy dziciaci i źviestki mohuć być ahučany tolki zakonnymi pradstaŭnikami pry ich zhodzie.
Pakolki ŭ dziejańniach nastaŭnicy byŭ skład złačynstva pa art. 153 KK (naŭmysnaje pryčynieńnie lohkaha cialesnaha paškodžańnia), zajaŭniki mieli prava raspačać u sudzie spravu pryvatnaha abvinavačvańnia. Mienavita tak baćki dziaŭčynki i pastupili.
Sudovyja pasiedžańni prachodzili ŭ zakrytym režymie.
47-hadovaha piedahoha kiraŭnictva škoły charaktaryzavała stanoŭča. Viadoma, što ŭ 2017 hodzie jana stanaviłasia «Nastaŭnikam hoda». Minadukacyi zajaviła, što «niezaležna ad sukupnaści abstavin reakcyja piedahoha na pavodziny navučenca była niedapuščalnaj».
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary