Tramp zajaviŭ, što padpiša ŭkaz ab časovaj zabaronie imihracyi ŭ ZŠA. Takim čynam jon płanuje zachavać pracoŭnyja miescy amierykancaŭ i praciahnuć baraćbu z raspaŭsiudžvańniem karanavirusa, piša rbc.ru.
«U śviatle napadu z boku niabačnaha voraha, a taksama nieabchodnaści abaranić pracoŭnyja miescy našych vydatnych amierykanskich hramadzian ja padpišu ŭkaz ab časovym prypynieńni imihracyi ŭ Złučanyja Štaty!» — napisaŭ Tramp ŭ Twitter.
Na minułym tydni Tramp abviaściŭ pra paetapnaje źniaćcie karancinu ŭ ZŠA i dazvoliŭ uładam štataŭ samastojna admianiać uviedzienyja antyvirusnyja abmiežavańni.
Na pieršym etapie ŭ ZŠA adčyniacca spartyŭnyja placoŭki i zały, a na nastupnym — zapracuje bolšaja kolkaść hramadskich ustanoŭ, u tym liku baraŭ, i ludzi atrymajuć poŭnuju svabodu pieramiaščeńnia.
Ludzi, jakija znachodziacca ŭ hrupie ryzyki, padčas pieršych dvuch etapaŭ praciahnuć vykonvać karancin. Vyjści na vulicu jany zmohuć tolki na trecim etapie, kali budzie źniata pieravažnaja bolšaść abmiežavańniaŭ, jakija tyčacca pracy hramadskich miescaŭ.
Pavodle Ministerstva pracy ZŠA, na minułym tydni zajavu ab atrymańni dapamohi pa biespracoŭi padali 5,2 młn amierykancaŭ, paviedamiŭ Bloomberg. Usiaho za apošni miesiac pracu ŭ krainie stracili zvyš 20 młn čałaviek, choć da epidemii dapamohi pa biespracoŭi atrymlivali mienš za 2 młn čałaviek.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary