Karpienka: Nijakich źmienaŭ va ŭstupnaj kampanii nie płanujecca
Nijakich źmienaŭ va ŭstupnaj kampanii ŭ hetym hodzie nie płanujecca, zajaviŭ siońnia ministr adukacyi Ihar Karpienka padčas sustrečy z kalektyvam himnazii №10 Hrodna, paviedamlaje BIEŁTA.
«My pahladzim, jak budzie raźvivacca situacyja i prymiem uzvažanaje rašeńnie. Ale adrazu možna skazać, što vypusknikam nie treba turbavacca: nijakich źmienaŭ pa formie praviadzieńnia ustupnaj kampanii nie budzie. A jak jaje zaścierahčy, stvaryć aptymalnyja ŭmovy — hetaje pytańnie ciapier prapracoŭvajecca», — skazaŭ Ihar Karpienka.
Pavodle jaho słoŭ, na hetuju temu ŭ internecie i ŚMI źjaŭlajecca šmat ukidaŭ. «Pišuć: davajcie pamianiajem formu ŭstupnych vyprabavańniaŭ, davajcie naohuł ich admienim i pa konkursie atestataŭ praviadziem i hetak dalej. Napeŭna, heta budzie niapravilna i stvoryć niaroŭnyja ŭmovy», — adznačyŭ ministr.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary