Abarona nacyjanalnaj identyčnaści: Tadžykistan zabaraniŭ rusifikavanyja proźviščy
Z hetaha času vykarystańnie rusifikavanych sufiksaŭ «-ov/-ova» i «-vič/-ovna» pry napisańni proźviščaŭ i imionaŭ pa baćku ŭ Tadžykistanie zabaroniena. Vyklučeńnie mohuć zrabić tolki dla pradstaŭnikoŭ nacyjanalnych mienšaściaŭ krainy, paviedamlaje «Radio Ozodi».
Na pasiadžeńni parłamienta Tadžykistana 28 krasavika była pryniata pastanova, u adpaviednaści ź jakoj u zakon ab dziaržaŭnaj rehistracyi aktaŭ hramadzianskaha stanu ŭniesieny adpaviednyja źmieny. Źmianieńni ŭniesieny, na dumku aŭtaraŭ zakonaprajekta, z metaj pavyšeńnia samaśviadomaści hramadzian i abarony nacyjanalnaj identyčnaści.
Muzafar Ašuryjon, ministr justycyi Tadžykistana, jaki pradstaviŭ hety prajekt na pasiadžeńni nižniaj pałaty parłamienta, zajaviŭ, što z hetaha času vykarystańnie ruskich kančatkaŭ u tadžykskich proźviščach budzie zabaroniena.
Jon adznačyŭ, što zamiest takich kančatkaŭ hramadzianie mohuć vykarystoŭvać takija tadžykskija kančatki, jak, naprykład, «-zoda», «-ijon» i inšyja. Pavodle jaho słoŭ, dla ruskich i inšych pradstaŭnikoŭ nacyjanalnych mienšaściaŭ praduhledžany vyniatak, u adpaviednaści ź jakim im dazvalajecca vykarystańnie kančatkaŭ «-ov/-ova», «-vič/-ovna» i hetak dalej.
«U dalejšym pry naradžeńni dziciaci buduć vydavacca dakumienty, u jakich proźviščy buduć zapisanyja z vykarystańniem nacyjanalnych kančatkaŭ «purducht», «i», «zod», «zoda», «on», «jon», «ijon», «nijor», «far». Vykarystańnie kančatkaŭ «ov», «ova», «jev», «jeva» budzie zabaroniena», — skazaŭ Ašuryjon.
Ministr justycyi padkreśliŭ važnaść pryniaćcia zakonaprajekta, adznačyŭšy, što «nacyjanalnaja identyčnaść imia čałavieka źjaŭlajecca važnym faktaram u farmavańni asoby i pačućcia samaśviadomaści».
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary