Karanavirusam zaraziŭsia pravasłaŭny multymiljanier, praź jakoha finansavali zachop Kryma i Danbasa
Bujny rasijski biznesmien Kanstancin Małafiejeŭ, viadomy svaim sponsarstvam šerahu pravasłaŭna-patryjatyčnych prajektaŭ, u tym liku «ruskaj viasny», zaraziŭsia karanavirusam. Pra heta jon sam zajaviŭ 29 krasavika ŭ efiry telekanała «Carhrad», piša credo.info.
Małafiejeŭ raspavioŭ, što zachvareŭ tydzień tamu, na Vialikdzień, i ŭ jaho była «niecharakternaja simptamatyka»: «Nie było ni tempieratury, ni dychavicy, ni suchoha kašlu. U mianie nie było ničoha, akramia słabaści. Vielmi baleła śpina — vierchni plečavy pojas, heta źviazana ź lohkimi», — raspavioŭ biznesmien. Praz try dni, Małafiejeŭ zrabiŭ test na karanavirus doma, jaki daŭ stanoŭčy vynik. Kampjutarnaja tamahrafija paćvierdziła dyjahnaz.
Małafiejeŭ špitalizavany ŭ padmaskoŭnuju kliniku, jaho stan maje siaredniuju ciažkaść.
Małafiejeŭ — zasnavalnik telekanała «Carhrad» i zasnavalnik inviestycyjnaha fondu «Marshall Capital Partners». Jamu naležali 10,7% akcyj «Rastelekama», u 2013 hodzie hetuju dolu vykupiła struktura «Bellared Holdings Ltd» Arkadzia Rotenbierha. Niekatory čas tamu Małafiejeŭ sprabavaŭ uvajści ŭ kiraŭnictva partyi «Spraviadlivaja Rasija», zatym stvaryŭ ułasnuju pramanarchičnuju partyju i staŭ asnoŭnym apiekunom Suśvietnaha ruskaha narodnaha sabora.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj30
Kamientary