Sudan pryznaŭ złačynstvam «žanočaje abrazańnie». Praz hetuju praceduru prajšli amal 90% žycharak krainy
Sudan uvioŭ kryminalnuju adkaznaść za apieracyi na žanočych pałavych orhanach, paviedamlaje Reuters. Praduhledžvajecca pakarańnie ŭ vyhladzie troch hadoŭ turemnaha źniavoleńnia. Hety krok staŭ pačatkam novaj ery ŭ halinie pravoŭ žančyn u afrykanskaj krainie.
Pavodle infarmacyi Arhanizacyi Abjadnanych Nacyj, amal dzieviać z 10 žančyn i dziaŭčynak u pieravažna musulmanskim Sudanie padvierhlisia žanočamu abrazańniu. Hetaja pracedura zvyčajna ŭklučaje ŭ siabie častkovaje abo poŭnaje vydaleńnie žanočych pałavych orhanaŭ i moža vyklikać mnostva prablem sa zdaroŭjem.
22 krasavika sudanski ŭrad uchvaliŭ papraŭku da svajho kryminalnaha zakanadaŭstva, dzie havorycca, što luboj asobie, jakaja ažyćciaŭlaje apieracyi, jakija kalečać, na žanočych pałavych orhanach ci ŭ miedycynskaj ustanovie, ci dzieści jašče, pahražaje try hady turemnaha źniavoleńnia i štraf.
Žanočyja pravaabarončyja arhanizacyi zajavili, što heta pakarańnie dapamoža pakłaści kaniec žanočamu abrazańniu, ale papiaredzili, što budzie ciažka źmianić mierkavańnie ŭ abščynach, jakija ličać tradycyjnuju praktyku nieabchodnaj dla taho, kab vydać dačok zamuž.
Pavodle acenak, kala 200 miljonaŭ dziaŭčynak i žančyn va ŭsim śviecie padvierhlisia padobnaha rodu apieracyjam, jakija praktykujucca pa mienšaj miery ŭ 27 afrykanskich krainach i niekatorych častkach Azii i Blizkaha Uschodu.
Dziaŭčynki mohuć ściačy kryvioj da śmierci abo pamierci ad infiekcyj. U toj ža čas apieracyi na pałavych orhanach paźniej mohuć pryvieści da fatalnych uskładnieńniaŭ pry rodach, kistaŭ, paškodžańniu mačavypuskalnaha kanała, bolaŭ padčas seksu i niazdolnaści da arhazmu.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary