Prezident Złučanych Štataŭ Donald Tramp unios u Sienat ZŠA 30 kandydatur čynoŭnikaŭ i dypłamataŭ, u tym liku kandydaturu Džuli Fišer na pasadu pasła ŭ Biełarusi, piša Radyjo Svaboda.
Tramp nazvaŭ Fišer patencyjnaj kandydatkaj na hetuju pasadu 21 krasavika.
Senat ZŠA ciapier adnaviŭ pracu paśla pierapynku, vyklikanaha pandemijaj karanavirusu. Sienatary źbirajucca ŭ Kapitolii, ale trymajucca naležnaj dystancyi, pracujuć u maskach i palčatkach.
Džuli Fišer — karjernaja dypłamatka, ciapier zajmaje pasadu namieśnicy pamočnika dziaržsakratara ZŠA ŭ pytańniach Zachodniaj Jeŭropy i ES.
Raniej jana była časovaj pavieranaj u spravach u pasolstvie ZŠA ŭ Rasii, namieśnicaj kiraŭnika misii ZŠA ŭ NATO, namieśnicaj dyrektara ofisa hienieralnaha sakratara NATO, daradcam u palityčnych i ekanamičnych spravach u pasolstvie ZŠA ŭ Hruzii, a taksama zajmała administracyjnyja pasady ŭ Dziaržaŭnym departamiencie ZŠA.
Fišer atrymała stupień bakałaŭra va Univiersitecie Paŭnočnaj Karaliny i stupień mahistra ŭ Prynstanskim univiersitecie. Jana vałodaje rasijskaj, francuzskaj i hruzinskaj movami.
Ad 2008 hoda pasolstva ZŠA ŭ Biełarusi pracavała ŭ skaročanym składzie na čale nie z pasłom, a z pavieranym. Uzrovień dypłamatyčnych stasunkaŭ byŭ panižany na patrabavańnie aficyjnaha Minska. ZŠA adklikali svajho pasła ŭ Minsku, kali Alaksandr Łukašenka zahadaŭ skaracić kolkaść amierykanskich dypłamataŭ u krainie.
Adnosiny pamiž krainami pahoršylisia paśla ŭviadzieńnia Vašynhtonam sankcyj suprać parušeńnia pravoŭ čałavieka i palityčnych represij padčas prezidenckich vybaraŭ 2006 hoda ŭ Biełarusi.
ZŠA i Biełaruś upieršyniu abviaścili pra płany abmienu ambasadarami ŭ vieraśni 2019 hoda, kali vysoki čynoŭnik Dziarždepartamienta Devid Hejł sustreŭsia z Łukašenkam u Minsku.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ2
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3232
Kamientary