Va ŭsich ustanovach Minska batarei zastanucca haračyja jašče jak minimum ciaham tydnia. Rašeńnie ab zakančeńni aciaplalnaha siezona budzie prymacca, jak miarkujecca, u čaćvier, piša Źviazda.
Miž tym u astatnich rehijonach Biełarusi ŭsie administracyjnyja budynki pierastali aciaplać jašče ŭ kancy krasavika zhodna z rašeńniami miascovych orhanaŭ vykanaŭčaj ułady.
Spačatku batarei stali chałodnymi ŭ Hrodzienskaj vobłaści (z 23 krasavika), na Homielščynie aciapleńnie pastupova adklučali z 24 da 30 krasavika, Bresckaja vobłaść zastałasia bieź ciapła z 29 krasavika, mahilaŭčanam adklučali batarei 29-30-ha, a Viciebskaja vobłaść pačała zaviaršać aciaplalny siezon 30 krasavika. Na Minščynie aciapleńnie poŭnaściu spyniena ŭ Barysavie, Maładziečnie, Žodzinie, Rudziensku, Śvisłačy, Družnym, častkova ŭ Salihorsku.
4 maja ŭ Homielskaj, Hrodzienskaj, Viciebskaj, Bresckaj, Mahiloŭskaj i Minskaj abłaściach poŭnaściu adklučana aciapleńnie va ŭsich administracyjnych budynkach.
Minčanie, u kvaterach jakich ciapier zanadta horača (zvyš 24 °S), mohuć źviarnucca ŭ słužbu 115 i pakinuć adpaviednuju zajaŭku. Darečy, toje ž samaje padčas aciaplalnaha siezona mohuć rabić žychary ŭsioj Biełarusi.
— Kali fakt pierahrevu budzie paćvierdžany, žycharam vydaduć pretenzijny akt, na padstavie jakoha jany mohuć źviarnucca ŭ raźlikova-daviedačny centr, i im zrobiać pieraraźlik.
Što datyčycca hrafikaŭ štohadovaha prafiłaktyčnaha adklučeńnia haračaj vady, to, jak i raniej, Minžyłkamhas prytrymlivajecca rekamiendacyi pieranieści płanavyja raboty, jakija mieli adbycca ŭ mai, na vierasień.
Adnak kožny rehijon samastojna vyznačaje, ci prytrymlivacca takoj parady.
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary