Rasijski «Pieršy kanał» zajaviŭ pra rezkaje paharšeńnie situacyi ŭ Biełarusi i daŭ słova žycharam Stoŭbcaŭ VIDEA
U rasijskich telenavinach vyjšaŭ siužet pra niaprostuju epidemijałahičnuju situacyju ŭ Biełarusi.
«Suśvietnaja arhanizacyja achovy zdaroŭja zaklikaje ŭłady Biełarusi pieranieści ŭsie masavyja mierapryjemstvy i ŭzmacnić žorstkaść abmiežavalnych mier pa baraćbie z karanavirusam. Niadaŭnija vielikodnyja słužby i respublikanski subotnik zakončylisia čarhovaj uspyškaj zachvorvańnia, — paviedamiŭ rasijski telekanał. — Biełaruś užo na trecim miescy va ŭsioj Jeŭropie pa pryroście vyjaŭlenych vypadkaŭ COVID-19 na dušu nasielnictva. Choć i hetaja aficyjnaja statystyka ŭ miascovych žycharoŭ nie vyklikaje davieru», — pieradaje karespandent «Pieršaha kanała».
U siužecie žurnalist hutaryć ź niekalkimi žycharami Stoŭbcaŭ, čyje rodnyja pamierli. Pra bolšaść z hetych historyj «Naša Niva» ŭžo pisała.
U jakaści ilustracyi «śviežych pachavańniaŭ» pakazvajuć panaramny płan mohiłak u Stoŭbcach — i mahiłu dziaŭčyny, jakaja nasamreč zahinuła ŭ aŭtakatastrofie ŭ listapadzie 2019 hoda.
Słova dali i žycharam horada.
Uładzimir Jaźvinski raskazaŭ, što jaho žonka pracavała ŭ charčabłoku balnicy i sama zachvareła. Test na COVID-19 žančyna zdała jašče ŭ kancy krasavika, ale vyniku nie viedaje dahetul.
Siarhiej Łubčonak pierachvareŭ na pnieŭmaniju. «Simptomy [karanavirusa] byli. Ale testy ŭsie admoŭnyja. Ale heta na słovach. Ja hetych vynikaŭ testaŭ nie bačyŭ. Ale doktar kazaŭ, što na 99,9% heta byŭ karanavirus», — raskazaŭ Siarhiej Łubčonak.
Mama Aleny Zianoŭka Jadviha Parchimovič pamierła 22 krasavika. I choć, pa słovach žančyny, karanavirus byŭ paćvierdžany, u paśviedčańni ab śmierci pakazali inšuju pryčynu.
«Chavali ŭ zakrytaj trunie, u nas napisali ŭ daviedcy — sardečnaja niedastatkovaść», — raskazvaje Alena Zianoŭka.
«Na hetym fonie stanovicca zrazumieła, čamu mnohija nie daviarajuć mietodykam padliku, jakija vykarystoŭvaje biełaruskaje Ministerstva achovy zdaroŭja. Ale navat zhodna z apublikavanaj aficyjnaj statystykaj vychodzić, što Biełaruś pa pryroście vyjaŭlenych vypadkaŭ karanavirusa na dušu nasielnictva daŭno abahnała ŭsich susiedziaŭ i vyjšła na treciaje miesca ŭ Jeŭropie», — adznačaje rasijski telekanał.
«Kolkaść chvorych raście ŭ hieamietryčnaj prahresii. Suśvietnaja arhanizacyja achovy zdaroŭja rekamienduje ŭzmacnieńnie strohaści mier fizičnaha dystancyjavańnia i pieranos usich masavych mierapryjemstvaŭ», — adznačaje pastajannaja kaardynatarka AAN u Respublicy Biełaruś Iaana Kazana-Višniaviecki.
«Padobnyja zakliki hučać užo daŭno. Ale dla ŭładaŭ heta nie stała padstavaj zakryć pradpryjemstvy, škoły i restarany i nie pieraškodziła pravieści ŭ Biełarusi šmatludnyja vielikodnyja słužby i respublikanski subotnik. Čym heta ŭsio abiarnułasia, možna mierkavać pa videa, źniatym na telefon pacyjentam adnoj z balnic Viciebska, — pieradaje rasijski kanał, — «Zahružany ŭvieś horad pnieŭmanijaj! Amal usiudy karona! Chvorych padzieć niama kudy, učora ŭžo pryvieźli čysta adny karony paćvierdžanyja ŭ chirurhičnaje adździaleńnie. Zabili. Kłaści niama kudy», — kaža doktar na videa, źniatym u pałacie.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary