Ministerstva antymanapolnaha rehulavańnia i handlu ŭdakładniła pieralik sacyjalna značnych tavaraŭ, na jakija raspaŭsiudžvajecca rehulavańnie koštaŭ. Heta praduhledžana pastanovaj MARH ad 7 maja 2020 hoda №36, paviedamlaje Źviazda.
U pryvatnaści, da sacyjalna značnych tavaraŭ ciapier adnosicca ryba śviežamarožanaja ŭ tuškach, z hałavoj i biez, patrošanaja i niepatrošanaja (siamiejstva karpavych, traskovych, sieladcovych, skumbryjevych, arhiencinavych), za vyklučeńniem rybnych tavaraŭ i vyrabaŭ z ryby, rybnaha file. U śpis sacyjalna značnych tavaraŭ nie ŭvachodzić desiertnaje, šakaładnaje, fruktovaje masła ź inšymi napaŭnialnikami, toplenaje masła. Da sacyjalna značnaj stavicca tolki vahavaja abo fasavanaja pšaničnaja muka vyšejšaha, pieršaha i druhoha hatunkaŭ biez dadatkaŭ.
MARH udakładniŭ, jakoje miasa adnosicca da sacyjalna značnaha.
Heta jałavičyna (u paŭtušach i čvertkach) i śvinina (u tušach i paŭtušach), što realizujucca pa hatunkach ŭ adpaviednaści sa standartami raździełki dadzienych vidaŭ miasa dla roźničnaha handlu. Taksama ŭ śpisie bujnakavałkavyja miasnyja biez kostak i miasakaściavyja naturalnyja paŭfabrykaty ź jałavičyny i śvininy (za vyklučeńniem bujnakavałkavych bieskaściavych miasnych paŭfabrykataŭ z vysokakaštoŭnych častak tušy jałavičyny i śvininy — vyrazki, doŭhija myšcy, palandvičnaj i šyjnaj častak, vysakajakasnaj jałavičyny, a taksama bujnakavałkavych bieskaściavych paŭfabrykataŭ inšych najmieńniaŭ z nazvanych častak tušy).
Da sacyjalna značnaj ciapier adnosicca niehazavanaja pitnaja vada biez smakavych dabavak (rasfasavanaja ŭ jomistaści), u tym liku dla dziciačaha charčavańnia, za vyklučeńniem minieralnaj.
Pastanova ŭstupaje ŭ siłu paśla jaje aficyjnaha apublikavańnia.
Ciapier čytajuć
Kvadrat u Minsku kaštuje rekordna doraha: narešcie pabity rekord 2007 hoda2
Kamientary