Taćciana Kavalonak 40 hadoŭ prapracavała ŭ centralnaj rajonnaj balnicy Barysava. Jana była miedsiastroj chirurhičnaha adździaleńnia.
«U pačatku maja ŭ mamy trochi padniałasia tempieratura. Jana zrabiła renthien, ale jon byŭ absalutna čysty. Tamu praciahvała chadzić na pracu jak zvyčajna, — raspaviała «Našaj Nivie» Hanna, dačka Taćciany Mikałajeŭny. — 4 maja tempieratura była za 38 hradusaŭ. Mamie zrabili KT, na im — dvuchbakovaja pnieŭmanija».
5 maja Taćcianu Kavalonak pakłali ŭ barysaŭskuju balnicu numar 2. Zrabili test na «karonu».
«9 maja joj pahoršała, pieraviali ŭ reanimacyju. 12 maja pryjšoŭ vynik testu — stanoŭčy. Tady pravieryli i mianie, i baćku, — kaža dačka. — Tatu svoječasova zrabili KT, taksama vyjavili pnieŭmaniju. Špitalizavali i jaho».
16 maja Taćciana pamierła. Na nastupny dzień pryjšoŭ analiz jaje muža — karanavirus vyjavili i ŭ jaho.
«18 maja my pachavali mamu. Baćku na pachavańnie nie puścili daktary, jon i pa siońnia ŭ balnicy. Stan u jaho adnosna narmalny, lažyć u zvyčajnaj pałacie.
U paśviedčańni ab śmierci mamy napisali «dvuchbakovaja pnieŭmanija, sardečnaja i lohačnaja niedastatkovaść».
Adkul mahli zachvareć mama i tata, ja nie viedaju. Adziny varyjant — mama «pryniesła» virus z pracy, u ich jakraz u tyja dni pastupała šmat chvorych na kavid», — miarkuje dačka.
Taćcianie Kavalonak było 60 hadoŭ.
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi7
Kamientary