Błohiera Šeraha kata i lidara AHP asudzili za akcyju salidarnaści ź Cichanoŭskim
Fota Nadziei Bužan
U sudzie Centralnaha rajona Minska 3 červienia praciahnulisia sudy nad udzielnikami akcyj u padtrymku błohiera Siarhieja Cichanoŭskaha. Na hety raz sudzili lidara AHP, patencyjnaha kandydata ŭ prezidenty Mikałaja Kazłova, i błohiera Dźmitryja Kazłova (Šeraha kata). Abodvuch sudzili za akcyju 6 maja la Niamihi, kali nieabyjakavyja hramadzianie sabralisia razam, kab vykazać niedavolstva tady jašče pieršamu zatrymańniu Cichanoŭskaha, paviedamlaje spring96.org.
Błohier na sud (sudździa Ivan Kaścian) nie pryjechaŭ, jaho niajaŭku pryznali niaŭvažlivaj i raspačali sud bieź jaho. Śviedkam vystupiŭ namieśnik načalnik HUUS Pavieł Kunčyk. Jon paćvierdziŭ, što bačyŭ, jak tyja, chto sabraŭsia na akcyju, vykazvali niezadavolenaść aryštam Siarhieja Cichanoŭskaha. Dźmitryj Kazłoŭ na toj akcyi kryčaŭ łozunh «Svabodu Siarhieju Cichanoŭskamu!».
Vynik — štraf 50 bazavych vieličyń (1350 rubloŭ).
Lidaraha AHP sudziła Julija Hustyr. Rašeńnie suda było takoje ž samaje — 50 bazavych vieličyń štrafu.
Kamientary