10 červienia ŭ Biełarusi abmiažujuć prodaž ałkaholu. Ale jość vyklučeńnie
Tradycyjnyja vypusknyja viečary sioleta admianili, a sutačnuju zabaronu na prodaž ałkaholu — nie. Ale jość i vyklučeńni: u Minsku ŭvodzić abmiežavańni na prodaž śpirtnoha nie buduć, u niekatorych haradach i rajonach zabarona budzie dziejničać nie sutki, a niekalki hadzin, u niejkich rajonach abmiežavańni ŭviaduć 11 červienia, piša tut.by.
10 červienia va ŭsich abłasnych centrach — Mahilovie, Homieli, Viciebsku, Hrodnie i Breście, a taksama va ŭsich rajonach prodaž śpirtnoha budzie abmiežavany.
Abmiežavańni tyčacca ŭsich vidaŭ ałkaholu — ad piva da harełki i kańjaku. Ale kupić śpirtnoje ŭsio ž budzie možna va ŭstanovach hramadskaha charčavańnia: kaviarniach, barach i restaranach.
Raniej čaściej za ŭsio miascovyja ŭłady ŭvodzili zabaronu na sutki, z 08.00 10 červienia da 08.00 11 červienia ŭ suviazi z praviadzieńniem vypusknych viečaroŭ.
Sioleta abmiežavańni ŭviedzienyja nie paŭsiudna i nie adnolkava-jość i vyklučeńni. U Minsku zabaronu na prodaž ałkaholu nie ŭvodziać. U Hrodnie, naprykład, abmiežavańni ŭviali nie na ceły dzień, a z 16.00 10 červienia da 00.00 11 červienia.
A ŭ Minskim rajonie vypusknyja projduć 11 červienia, tamu abmiežavańni ŭviaduć mienavita ŭ hety dzień.
Nahadajem, vypusknyja-2020 projduć 10—11 červienia ŭ niazvykłym farmacie. Z-za pandemii Ministerstva adukacyi rekamiendavała, kab śviata abmiežavałasia ŭručeńniem atestataŭ. Adnak farmat mierapryjemstva kožnaja navučalnaja ŭstanova vybiraje samastojna.
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ9
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary