«Savuškaŭ pradukt» pieršym u krainie pačaŭ vypuskać cukieračnuju sieryju hłazuravanych syrkoŭ. «Karoŭka» i «Trufiel» paŭtarajuć papularnyja cukierki pa smaku, a znajści ich možna na małočnych vitrynach kram i handlovych sietak krainy.
Navinki adkryvajuć u Biełarusi novy kłas desiertnych hłazuravanych syrkoŭ. Ich hatuje «Savuškaŭ pradukt» pa ŭłasnych receptach z tvarožnaha syru, hłazury i napaŭnialnika sa smakam cukierak. Technołahi pastaralisia maksimalna nablizić ich da viadomych ź dziacinstva «Karoŭki» i «Trufielu».
Cukieračnaja sieryja pradstaŭlena dvuma syrkami. «Karoŭka» pryhatavana z tvarožnaha syru i pakryta karamielnaj hłazuraj, a paznavalny smak joj nadaje admysłovy napaŭnialnik z vodaram śmietankovaj pamadki. «Trufiel» u svaju čarhu — detalova padabranaje spałučeńnie šakaładu, mindala i vanili. Źvierchu syrok ščodra pality šakaładnaj hłazuraj.
«U Biełarusi raście popyt na małočnyja desierty ź jarkimi niestandartnymi smakami. Cukieračnyja syrki — jakraz ź liku novych napramkaŭ. Jany napeŭna zacikaviać amataraŭ kultavych cukierak «Karoŭka» i «Trufiel». Zvykły smak u novym vykanańni, pry hetym syrki mienš kałaryjnyja za cukierki, i zrobleny na asnovie dalikatnaha tvarožnaha syru, što robić ich aptymalnym vybaram dla lohkaha desiertu i karysnaha pierakusu. Spadziajemsia, padobnyja navinki dazvolać vyvieści siehmient desiertnych syrkoŭ na novy ŭzrovień», — adznačaje vytvorca.
Cukieračnyja syrki vahoj pa 40 hramaŭ spakavanyja ŭva fłoŭ-paki. Ich dyzajn taksama adsyłaje da lehiendarnych cukierak. Zachoŭvać tvarožnyja desierty možna ŭ chaładzilniku da 20 dzion. Navinki ŭžo pastaŭlenyja ŭ bujnyja handlovyja sietki.
Ciapier čytajuć
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany8
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary