U Maskvie na paradzie Pieramohi płanuje prysutničać ministr abarony Viktar Chrenin. Pra heta paviedamili ŭ vajennym viedamstvie, piša Tut.by.
— Płanujecca, što hienierał-major Viktar Chrenin budzie prysutničać na paradzie ŭ Maskvie, — paviedamiła aficyjny pradstaŭnik Minabarony Natalla Haŭrusik.
Raniej Ministerstva abarony paviedamlała, što ŭ paradnym šychcie pa Krasnaj płoščy ŭ Maskvie projduć vajskoŭcy zvodnaj roty hanarovaj varty. Pa słovach Haŭrusik, 73 biełaruskija vajskoŭcy ŭžo prybyli ŭ Rasiju.
Adkrytym zastajecca pytańnie, ci dakładna naviedaje parad Pieramohi ŭ Maskvie Alaksandr Łukašenka. Pra toje, što biełaruskaha kiraŭnika čakajuć u Maskvie, 10 červienia zajaviŭ namieśnik kiraŭnika MZS Rasii Andrej Rudenka. Pres-sakratar rasijskaha prezidenta Dźmitryj Piaskoŭ paćvierdziŭ, što Łukašenka adpraŭlena zaprašeńnie. «Jość paćvierdžańni ad Kazachstana, Kyrhyzstana, Małdovy, Tadžykistana, Turkmienistana, Uźbiekistana. Paćvierdžańnie ad Sierbii, Charvatyi, Abchazii, Paŭdniovaj Asiecii. Ceły šerah lidaraŭ atrymali zaprašeńni, my čakajem paćvierdžańnia z dnia na dzień. Łukašenka pakul nie paćvierdziŭ», — raspavioŭ pres-sakratar rasijskaha prezidenta.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary