U Hrecyi adčynilisia lehalnyja publičnyja damy. Ale jość vielmi cikavyja ŭmovy
U Hrecyi, dzie za ŭvieś pieryjad pandemii zarehistravana ŭsiaho 3148 vypadkaŭ zaražeńnia i 185 śmiarotnych zychodaŭ, z hetaha tydnia možna svabodna pierasoŭvacca pa krainie, piša Bi-bi-si.
Naprykład, adčynilisia lehalnyja publičnyja damy, ale sa strohimi abmiežavańniami ŭ pracy. Klijentam dajecca nie bolš za 15 chvilin na sustreču z seks-rabotnicami i zahadana być u mascy. Uvieś piersanał publičnych damoŭ taksama pracuje ŭ maskach.
Raspłačvacca najaŭnymi pry hetym nielha, a administracyi publičnych damoŭ buduć zapisvać imiony i telefonnyja numary klijentaŭ.
Śpisy buduć zachoŭvacca na praciahu čatyroch tydniaŭ u zapiačatanych kanviertach, jakija buduć adkryvać tolki z metaj adsačyć kantakty čałavieka pry mahčymym zaražeńni.
Sami rabotnicy hetyja praviły nazyvajuć nierealnymi. Pandemija surjozna ŭdaryła pa seks-rabotnikach va ŭsim śviecie, a novyja praviły adpudziać klijentaŭ, ličać jany.
«Jaki klijent budzie sam razdavać piersanalnyja źviestki? Kažu vam, ludzi buduć haładać», — zajaviła kiraŭnica hrupy padtrymki seks-rabotnic Red Umbrella Hanna Kurupu.
Kamientary