Karanavirus viartajecca: Kazachstan znoŭ uvodzić karancin, Ispanija zakryvaje kurortny rehijon
Kazachstan staŭ pieršaj krainaj śvietu, jakaja ŭ druhi raz ŭviała karancin na ŭsioj svajoj terytoryi, piša bbc.com.
Ź niadzieli praca hramadskaha transpartu ŭ haradach Kazachstana abmiežavanaja, hramadzianam zabaroniena pierasoŭvacca hrupami bolš za try čałavieki.
Taksama zakrytyja spartyŭnyja ŭstanovy i handlovyja centry, zabaronienyja masavyja mierapryjemstvy.
U toj ža čas mižnarodnyja avijaznosiny nie spyniajecca, pamiž rehijonami možna svabodna pierasoŭvacca.
Minuły karancin dziejničaŭ u Kazachstanie ad 16 sakavika da 11 maja. Novy pavinien praciahnucca dva tydni. Adnak kali abmiežavalnyja miery ŭ Kazachstanie ŭvodzilisia ŭ pieršy raz, to kolkaść chvorych było ŭ piać razoŭ nižejšaja: 9 tysiač proci 47 tysiač ciapier.
Viartajucca da izalacyjnych mieraŭ i na inšym kancy kantynienta, u Ispanii. Łakalny karancin uviedzieny ŭ Halisii, u prybiarežnym rehijonie Ła-Marynija z nasielnictvam 70 tys. čałaviek.
Da piatnicy nastupnaha tydnia pakidać rajon i ŭjazdžać u jaho dazvalajecca tolki ŭ ramkach kamandzirovak.
Jak paviedamili va ŭradzie Halisii, krynica ciapierašniaj uspyški karanavirusa — «u dvuch-troch barach» u porcie Burała.
Dniom raniej uviali karancin u Katałonii, na inšym kancy krainy. Zakryty rajon Siehryja, dzie žyvuć kala 200 tys. čałaviek. Ujezd i vyjezd z rehijonu bieź śpiecyjalnaha dazvołu zabaronieny, na darohach źjavilisia kantrolna-prapusknyja punkty.
Tempy zachvorvańnia na karanavirus znoŭ pačali raści taksama ŭ Aŭstralii, na Filipinach, u Saudaŭskaj Aravii i Abjadnanych Arabskich Emiratach. A ŭłady indyjskaha horada Ahra nie buduć adkryvać Tadž-Machał i inšyja pomniki horada dla naviedvańnia na fonie rezkaha rostu kolkaści chvorych na karanavirus u krainie.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy17
Kamientary