Dzie adsačyć usio, što adbyvajecca na vybarach? Na płatformie ZUBR — adzinaj sistemie anłajn-manitorynhu
Kampanija hramadzianskaha aśviatleńnia vybarčaha pracesu ZUBR pravodzić sieryju efiraŭ na płatformie Youtube. Pačynacca ŭklučeńni buduć štodnia a 19-j.
«My budziem dzialicca infarmacyjaj, jakuju dasyłajuć nam karystalniki i abmiarkujem vybarčuju kampaniju z našymi haściami», — raspaviadajuć pradstaŭniki ZUBR.
U raskładzie marafonu — tranślacyi ź miescaŭ praviadzieńnia vybaraŭ i arhanizavanych mierapryjemstvaŭ, a taksama pramyja ŭklučeńni z kandydatami, palitykami, analitykami i ekśpiertami.
Płatforma ZUBR — adzinaja sistema anłajn-manitorynhu vybarčaha pracesu ŭ Biełarusi. Svajoj metaj kampanija nazyvaje fiksacyju, apracoŭku i adlustravańnie ŭ režymie realnaha času ŭsich źviestak ab pracesie vybaraŭ u Biełarusi.
Naziralniki i vybarščyki mohuć nakiroŭvać na płatformu infarmacyju ab pracy ŭčastkaŭ i siabroŭ kamisij i ab mahčymych parušeńniach u vyhladzie paviedamleńniaŭ, fota i videa. Na sajcie prajekta možna ŭbačyć kartu vybarčych učastkaŭ i daviedacca skład vybarčaj kamisii.
Kamientary