Rasijskija ŚMI śćviardžajuć, što bilety 33 bajevikam kupili va Ukrainie. Biełaruski SK: Infarmacyi niama
Rasijskaja «Komsomolskaja pravda» siońnia apublikavała rasśledavańnie pra 33 bajevikoŭ, jakich zatrymali ŭ Biełarusi 29 červienia.
Materyjał «Komsomołki» padchapili ŭsie rasijskija ŚMI.
U rasśledavańni śćviardžajecca, što za apieracyjaj stajali ŭkrainskija śpiecsłužby, a metaj apieracyi było sutyknuć Biełaruś z Rasijaj.
U padmacavańnie svajoj viersii vydańnie pryvodzić adkaz pradstaŭnika «Tureckich avijalinij» u Maskvie, što nabyćcio biletaŭ na rejs Minsk — Stambuł dla hrupy ažyćciaŭlałasia «praz aŭtaryzavanaje ahienctva, zarehistravanaje na terytoryi Ukrainy». Pryvodziacca — praŭda, biez paćviardžalnych dakumientaŭ — i nazvy ŭkrainskich turfirmaŭ, jakija nibyta kuplali bilety hrupie.
«Naša Niva» nie zmahła źviazacca z rasijskim pradstaŭnictvam «Tureckich avijalinij», kab daviedacca, ci adkaz praŭdzivy.
My źviazalisia z pradstaŭnikom Śledčaha kamiteta Biełarusi, kab daviedacca, ci supadaje infarmacyja rasijskaj «Komsomolskoj pravdy» sa źviestkami biełaruskaha śledstva. «Taja infarmacyja, jakaja była ŭ Śledčaha kamiteta, jana i jość na siońnia. Nijakaj inšaj infarmacyi dla ŚMI ŭ nas pakul niama», — adkazaŭ Siarhiej Kabakovič, pradstaŭnik SK.
Pad Minskam 29 lipienia zatrymali 32 bajevikoŭ zamiežnaj pryvatnaj vajennaj kampanii
SK pra rasijskich bajevikoŭ: Jany nie źbiralisia lacieć u Stambuł
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary