Žurnalistu «Mocnych navinaŭ» Nadziei Pužynskaj dali 14 sutak aryštu. Dzie i kali jaje sudzili — nieviadoma
U Homieli sudzili žurnalistku miascovaha partała «Mocnyja naviny» — ale nichto ź blizkich i kaleh, jakija dziažuryli dva dni ŭ budynku suda, nie zmoh patrapić na pasiadžeńnie. Nadziei Pužynskaj dali 14 sutak, piša Tut.by.
U subotu, 3 kastryčnika, u Homieli zatrymali hałoŭnaha redaktara «Mocnych navin» Hannu Jakštas i jaje muža Dzianisa, jaki taksama źjaŭlajecca rabotnikam vydańnia. Nadzieja Pužynskaja z rodnymi Dzianisa paviezła im pieradaču ŭ izalatar.
«Joj tam niechta patelefanavaŭ, jana adyšła i źnikła, a potym paviedamiła, što znachodzicca ŭ Savieckim RAUS. Potym stała viadoma, što Nadzieja zatrymanaja ŭ suviazi ź viadzieńniem administracyjnaha pracesu pavodle artykuła 23.34 KaAP (Parušeńnie paradku arhanizacyi abo praviadzieńnia masavych mierapryjemstvaŭ)», — raspaviadaŭ raniej uładalnik partała Piotr Kuźniacoŭ.
U čym kankretna vinavacili dziaŭčynu, nichto nie viedaŭ.
Siońnia, 6 kastryčnika, adbyŭsia sud. Jak mienavita i dzie vynieśli rašeńnie pa spravie — nieviadoma. Pra jaho «Mocnym navinam» raspaviała mama Nadziei: dačka patelefanavała joj paśla suda i paviedamiła, što atrymała 14 sutak. Žurnalisty, što dziažuryli ŭ sudzie Savieckaha rajona, nie trapili na pasiadžeńnie.
Hańnie Jakštas siońnia dali štraf u 20 bazavych: u jaje jość niepaŭnaletnija dzieci, i na «sutki» jaje adpravić nie mohuć.
Dzianis Jakštas učora atrymaŭ 15 sutak.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary